ШІ цалкам можа выцесніць аплікацыі і стаць базавым спосабам выкарыстання тэхналогій. Пра гэта распавёў тэхнічны дырэктар Meta Эндру Басворт у нядаўнім выпуску падкаста Andreessen Horowitz. Гэта венчурная фірма была адным з першых інвестараў Facebook.
ШІ цалкам можа выцесніць аплікацыі і стаць базавым спосабам выкарыстання тэхналогій. Пра гэта распавёў тэхнічны дырэктар Meta Эндру Басворт у нядаўнім выпуску падкаста Andreessen Horowitz. Гэта венчурная фірма была адным з першых інвестараў Facebook.
Паводле Басворта, зараз у людзей цэлы «заапарк» аплікацый. Але замест таго, каб выбіраць патрэбную для кожнага выпадку — напрыклад, Spotify, каб паслухаць музыку, ён бы аддаў перавагу проста сказаць штучнаму інтэлекту, чаго хоча, і каб той сам усё зрабіў.
«Я не хачу замарочвацца, якую праграму трэба адкрыць, каб нешта зрабіць. Мы прызвычаіліся так рабіць, таму што так было на працягу ўсёй гісторыі лічбавай вылічальнай тэхнікі», — сказаў Басворт.
ШІ можа цалкам перавярнуць узаемадзеянне з аплікацыямі. Гэта будзе карысна для карыстальнікаў і жахліва — для кампаній, лічыць тэхдырэктар. Гэта закране цэлае пакаленне кампаній, якія імкнуцца як мага мацней прывязаць да сябе карыстальнікаў — Басворт сцвярджае, што сам не жадае прывязвацца. Таксама наступ ШІ можа прымусіць такія кампаніі, як Spotify і Netflix, перагледзець мадэль манетызацыі сваіх сэрвісаў.
Басворт адзначае, што ў пераходзе ад аплікацый да ШІ-інтэрфейсаў у выніку больш станоўчага, чым адмоўнага. І цяпер значэнне будзе мець тое, як аплікацыя спраўляецца са сваёй задачай, а таксама суадносіны кошту і прадукцыйнасці. «Многім кампаніям гэта не спадабаецца», — падсумаваў ён.
Падобнае пра ўплыў ШІ казаў кіраўнік Microsoft Сацья Надэла ў студзені. Ён прадказваў хуткую смерць традыцыйных бізнес-аплікацый, якія заменяць ШІ-агенты. Аналітыкі кансалтынгавай фірмы AlixPartners сцвярджаюць, што разважальныя мадэлі і ШІ-агенты ўжо падрываюць SaaS-мадэль (гаворка пра ПЗ, размешчанае ў «воблаку» і даступнае праз сеціва). Паводле іх, ціск прагрэсу, і вельмі моцны, ужо адчуваюць больш як 100 праграмных кампаній сярэдняга памеру. Там прагназуюць, што цягам двух гадоў існаванне многіх такіх кампаній апынецца пад пагрозай.
Рэлацыраваліся? Цяпер вы можаце каментаваць без верыфікацыі акаўнта.