Tencent выпусціла ШІ-мадэль T1, якая канкуруе з DeepSeek R1

Tencent падкрэсліла, што новая мадэль адрозніваецца здольнасцю захоўваць логіку кантэнту, робячы тэкст «ахайным і чыстым», а таксама мае «надзвычай нізкі» працэнт галюцынацый, то-бок выдачы недакладнай інфармацыі. Раней T1 была даступная ў фармаце папярэдняй версіі на платформах Tencent, у тым ліку ў віртуальнага памочніка Yuanbao.

Афіцыйная версія T1 працуе на базе вялікай моўнай мадэлі Tencent Turbo S, якая, паводле распрацоўшчыка, функцыянуе хутчэй за мадэль DeepSeek R1 ад аднайменнага стартапа. З’яўленне DeepSeek з мадэлямі, што дасягаюць перадавых вынікаў пры мінімальных выдатках, узмацніла канкурэнцыю сярод кітайскіх і сусветных гульцоў у сферы ШІ, што стала адным з стымулаў для распрацоўкі і запуску T1.