«Цяпер гэта база»: што змянілася за пару гадоў у бігтэхах і парады пачаткоўцам ад інжынера Google
ІТ-індустрыя змяняецца з шалёнай хуткасцю. Софтверны інжынер Харш Варшні працаваў у Splunk і Amazon Web Services, а два гады таму далучыўся да Google. Па яго словах, свет бігтэхаў, у які ён прыйшоў тады, моцна адрозніваецца ад таго, які ён зараз. За гэтыя гады цыкл распрацоўкі стаў хутчэйшым, працэсы — больш гнуткімі, а чаканні ад інжынераў — прыкметна вышэйшымі. Варшні падзяліўся галоўнымі зменамі і парадамі для тых, хто толькі пачынае шлях у вялікіх тэхнакампаніях.
ІТ-індустрыя змяняецца з шалёнай хуткасцю. Софтверны інжынер Харш Варшні працаваў у Splunk і Amazon Web Services, а два гады таму далучыўся да Google. Па яго словах, свет бігтэхаў, у які ён прыйшоў тады, моцна адрозніваецца ад таго, які ён зараз. За гэтыя гады цыкл распрацоўкі стаў хутчэйшым, працэсы — больш гнуткімі, а чаканні ад інжынераў — прыкметна вышэйшымі. Варшні падзяліўся галоўнымі зменамі і парадамі для тых, хто толькі пачынае шлях у вялікіх тэхнакампаніях.
ШІ — больш не «фіча», а аснова ўсяго
Галоўны зрух апошніх гадоў — бум генератыўнага ШІ. Калі ў 2017-м гэта была вузкая вобласць, то сёння — базавы навык для інжынера.
Ад інжынераў чакаюць не проста працоўную аплікацыю, а разумную сістэму, якая разумее патрэбы карыстальніка. Адладка кода, эксперыменты, аптымізацыя — усё гэта паскорылася ў разы дзякуючы ШІ-інструментам. Змяніліся і «правілы гульні» з дадзенымі: важная не толькі дакладнасць, але і этычнасць, бяспека, празрыстасць.
Варшні раіць ставіцца да ШІ не як да чагосьці другараднага, а як да будаўнічага матэрыялу. Гэта новая «цагліна», з якога будуецца сучасны софт.
Умацоўвайце фундаментальныя веды
Тэхналогіі змяняюцца, але моцная база — інфарматыка — застанецца важнай заўсёды. Тыя, хто добра разбіраецца ў камп’ютарных сістэмах, размеркаваных архітэктурах, базах дадзеных, воблачных тэхналогіях і машынным навучанні, будуць запатрабаваны на хвалі любога хайпу.
Парада: сачыце за канферэнцыямі (напрыклад, NeurIPS) і акадэмічнымі даследаваннямі, чытайце артыкулы. Гэта дасць разуменне будучыні задоўга да таго, як яна стане мэйнстрымам.
ШІ-інжынер павінен быць і будаўніком, і прасунутым карыстальнікам
Павярхоўных ведаў аб AI ўжо мала, лічыць Варшні. Пад будаўніком ён мае на ўвазе тое, што распрацоўшчык павінен разумець, як уладкаваны мадэлі, як яны працуюць з рознымі фарматамі — тэкстам, выявамі, аўдыё. Як юзер інжынер павінен выкарыстоўваць ШІ для генерацыі кода, адладкі, прататыпавання — гэта рэальна бусціць прадуктыўнасць, сцвярджае гуглер.
Яго парада: інжынеры будучыні будуць спалучаць гэтыя дзве ролі — будаваць ШІ і адначасова працаваць з ім як з напарнікам.
Ператварайце ідэі і веды ў праекты
Тэорыя застаецца тэорыяй, пакуль вы не зрабілі штосьці адчувальнае. Важны не сам факт вывучэння тэхналогіі, а ўменне сабраць з яе прадукт.
Напрыклад, каб разабрацца ў агентных сістэмах, Варшні зрабіў агента для даследаванняў з некалькімі модулямі. Адзін разбівае тэму на падпункты, іншыя збіраюць інфармацыю, а яшчэ адзін аб’ядноўвае ўсё ў адзіную справаздачу. Праект карысны сам па сабе і наглядна паказвае здольнасць спраектаваць і рэалізаваць складаную ШІ-сістэму.
Парада: вучыцеся, але паралельна будуйце і запускайце праекты. Толькі так вы рэальна замацуеце веды.
Тыя, хто ўмеюць спалучаць усе гэтыя якасці, і будуць вызначаць, якім стане софт наступнага дзесяцігоддзя, робіць выснову Варшні.
Рэлацыраваліся? Цяпер вы можаце каментаваць без верыфікацыі акаўнта.