Аддзел навін 30 студзеня 2023, 10:41

Tesla абрынулася ў рэйтынгу аўтапілотаў

Некамерцыйная арганізацыя Consumer Reports абнавіла рэйтынг прасунутых сістэм дапамогі кіроўцу. Распрацоўка Tesla — піянера ў сферы высокатэхналагічных аўто — стала саступаць у ім шматлікім канкурэнтам.

Пакінуць каментарый

Некамерцыйная арганізацыя Consumer Reports абнавіла рэйтынг прасунутых сістэм дапамогі кіроўцу. Распрацоўка Tesla — піянера ў сферы высокатэхналагічных аўто — стала саступаць у ім шматлікім канкурэнтам.

Спецыялісты ацэньвалі тэхналогіі 12 вендараў, якія дапамагаюць утрымліваць аўтамабіль у паласе і падтрымліваць патрэбную хуткасць у патоку. Такія сістэмы атрымліваюць усё большае распаўсюджванне, але не робяць аўто цалкам аўтаномным.

Першае месца заняла тэхналогія BlueCruise ад Ford, якая дазваляе кіроўцам не трымаць рукі на стырне на некаторых аўтамагістралях. На другім месцы размясцілася аналагічная функцыя Super Cruise распрацоўкі General Motors, на трэцім — тэхналогія Mercedes-Benz.

Аўтапілот Tesla скаціўся на 7 радок, хоць у 2020 годзе ішоў другім. У Consumer Reports гэта звязваюць з тым, што кампанія Ілана Маска ўжо некалькі гадоў не ўносіла істотных змен у ключавы функцыянал аўтапілота і замест гэтага засяродзілася на рэлізе новых магчымасцей, у выніку адстаўшы ад канкурэнтаў.

Спецыялісты Consumer Reports ацэньвалі сістэмы паводле пяці крытэраў: прастата ў выкарыстанні, магчымасці і прадукцыйнасць, кантроль увагі кіроўцы, камунікацыя з кіроўцам (у выпадках, калі сістэму лепш не выкарыстоўваць або калі яна адключаецца) і паводзіны ў выпадку няўважлівасці кіроўцы (напрыклад, калі ён заснуў або паўсталі праблемы са здароўем).