Николай Чикишев 31 жніўня 2023, 11:24

The Information: OpenAI плануе дасягнуць гадавой выручкі ў $1 млрд

Кампанія плануе пры канцы фінансавага года значна павялічыць выручку і скараціць страты.

Паводле даных Тhe Information, выручка кампаніі ў 2022 годзе склала $28 мільёнаў, страты дасягнулі $540 мільёнаў. Цяпер выручка OpenAI складае $80 мільёнаў на месяц, што амаль у тры разы больш, ніж за ўвесь мінулы год.

Чаканая выручка сёлета — больш за $1 мільярд, у маі гэтага года яе ацэньвалі яшчэ ў $200 мільёнаў. Таксама ў студзені Bloomberg паведаміла, што Microsoft плануе ўкласці ў OpenAI $10 мільярдаў цягам некалькіх гадоў.

Раней у лютым кампанія запусціла падпіску на ChatGPT з хутчэйшымі адказамі і новымі функцыямі за $20 на месяц. Акрамя таго, OpenAI прапануе платны доступ да API. У красавіку кампанія прыцягнула інвестыцыі ў памеры $300 мільёнаў пры ацэнцы ў $27-29 мільярдаў.