Алеся Чапкевич world 4 сакавіка 2026, 13:13

The Information: OpenAI распрацоўвае свой GitHub

OpenAI распрацоўвае ўласную платформу для хостынгу коду — патэнцыйнага канкурэнта GitHub. Пра гэта піша Reuters спасылаючыся на The Information.

Пакінуць каментарый

The Information: OpenAI распрацоўвае свой GitHub

OpenAI распрацоўвае ўласную платформу для хостынгу коду — патэнцыйнага канкурэнта GitHub. Пра гэта піша Reuters спасылаючыся на The Information.

Паводле крыніцы выдання, у апошнія месяцы ў інжынераў OpenAI пачаў часцей збоіць GitHub — сэрвіс перыядычна станавіўся недаступным. Кампанія прыйшла да высновы, што калі хочаш зрабіць добра — зрабі сам.

Праект пакуль на ранняй стадыі, і да паўнавартаснага запуску могуць прайсці месяцы. Унутры OpenAI абмяркоўваюць варыянт зрабіць новы сэрвіс платным для сваіх кліентаў.

Калі OpenAI сапраўды выведзе прадукт на рынак, гэта будзе досыць смела, паколькі яна будзе наўпрост канкураваць з Microsoft, якая валодае значнай доляй у ёй.

На мінулым тыдні OpenAI прыцягнула $110 млрд пры ацэнцы $840 млрд. У раўндзе ўдзельнічалі Amazon, Nvidia і SoftBank.