Threads за два тыдні страціў 70% карыстальнікаў
Паводле даных Sensor Tower, новая соацсетка Марка Цукерберга працягвае губляць карыстальнікаў пасля першапачатковага ажыятажу. За два тыдні ад моманту запуску колькасць штодзённых актыўных карыстальнікаў Threads скарацілася на 13 млн чалавек, або прыкладна на 70% у параўнанні з пікавымі значэннямі 7 ліпеня.
Сярэдні час, які бавяць карыстальнікі ў праграме на iOS і Android, упаў ад 19 да 4 хвілін. Паводле даных аналітыкаў SimilarWeb, сярэдні час Android-карыстальнікаў з ЗША ў праграме знізіўся ад 21 да 5 хвілін.
Пры гэтым, згодна з Sensor Tower, дзённая аўдыторыя Twitter утрымліваецца на адзнацы 200 млн карыстальнікаў, а сярэдні час, які бавіць карыстальнік у сацсетцы на дзень, складае 30 хвілін.
У кіраўніцтве Meta кажуць, што чакалі некаторага падзення і не лічаць яго прычынай для хвалявання. Павышаць уцягнутасць юзераў плануецца ўкараненнем новых функцый, над якімі кампанія ўжо працуе. Meta хоча павялічыць памер аўдыторыі і палепшыць карыстальніцкі досвед Threads, пасля чаго зоймецца манетызацыяй платформы.
Читать на dev.by