Tik Tok выдаліў акаўнты расійскай прапаганды

Блакаванню падвергліся 37 акаунтаў Sputnik, у тым ліку каналы «Sputnik Абхазія», «Sputnik Арменія», «Sputnik Беларусь» і Sputnik Stories. TikTok таксама выдаліў старонку RT International. Сацсетка не пракаментавала выдалення акаунтаў.

Раней Meta заблакавала ў сваіх сацсетках акаўнты RT, «Расіі сёння» і «звязаных з імі арганізацый». Кампанія спаслалася на санкцыі ЗША, якія былі ўведзеныя на пачатку верасня супраць некалькіх расійскіх прапагандысцкіх арганізацый і іх топ-менеджараў.