Амерыканскія карыстальнікі сацсеткі паведамляюць пра ўзмацненне мадэрацыі кантэнту і прыкметы цэнзуры пасля аднаўлення працы платформы ў ЗША. З’явіліся паведамленні пра абмежаванні на жывыя эфіры, частыя папярэджанні пра дэзынфармацыю і выдаленне публікацый.
Амерыканскія карыстальнікі сацсеткі паведамляюць пра ўзмацненне мадэрацыі кантэнту і прыкметы цэнзуры пасля аднаўлення працы платформы ў ЗША. З’явіліся паведамленні пра абмежаванні на жывыя эфіры, частыя папярэджанні пра дэзынфармацыю і выдаленне публікацый.
Reuters паведамляе пра скарачэнне колькасці жывых трансляцый, часцейшыя выпадкі выдалення публікацый або пазначэнне іх як тыя, што парушаюць правілы супольнасці. TikTok сцвярджае, што іх алгарытмы і палітыка не змяніліся, і любыя праблемы звязаныя з часовай нестабільнасцю ў працэсе аднаўлення працы сэрвісу.
Многія карыстальнікі лічаць, што сацсетка падвяргае цэнзуры палітычны кантэнт. Напрыклад, TikTok блакуе каментары з фразамі «Free Palestine» і «Free Luigi». Комік Пат Лолер паведаміў, што яго сатырычнае відэа пра Ілана Маска было пазначанае як дэзынфармацыя, а магчымасці яго распаўсюджвання былі абмежаваныя.
Карыстальніца Lisa Cline заявіла, што не змагла апублікаваць відэа з крытыкай Дональда Трампа. Палітычная аглядальніца Даніша Картэр паведаміла пра «поўнае блакаванне яе акаўнта» пасля аднаўлення працы TikTok, пры гэтым ёй не патлумачылі прычыны блакавання.
Аднаўленне працы платформы ў ЗША стала магчымым пасля прыходу новай адміністрацыі ў Белы дом. Дональд Трамп падоўжыў апошні тэрмін продажу праграмы на 75 дзён. Прэзідэнт ЗША заявіў, што адкрыты да таго, каб Ілан Маск або Oracle купілі праграму.
Рэлацыраваліся? Цяпер вы можаце каментаваць без верыфікацыі акаўнта.