Cisco, Microsoft у топ-10 кампаній ЗША для кар'ернага росту

Усяго ўлічвалася дзевяць параметраў:

• даступнасць: колькі людзей кампаніі наймаюць на стартавыя пазіцыі і неабходнасць наяўнасці ў суіскальнікаў вышэйшай адукацыі;
• заробкі;
• мабільнасць: колькасць павышэнняў сярэднестатыстычнага супрацоўніка за пяць гадоў; хуткасць прасоўвання супрацоўнікаў па іерархіі на адзін узровень уверх; наколькі часта кампанія запаўняе адкрытыя пазіцыі шляхам павышэння супрацоўніка з больш нізкай пазіцыі; працэнт супрацоўнікаў, якія сышлі ў іншую кампанію на больш высокую пазіцыю; працэнт супрацоўнікаў, якія працуюць у кампаніі 5+ гадоў; працэнт топ-менеджараў, якія падымаліся па кар’ернай лесвіцы ўнутры кампаніі.

Першае месца ў агульным заліку заняў тэлекам-гігант AT&T. Сярод айцішных кампаній у першую дзясятку патрапілі Cisco і Microsoft. Усяго 13 з топ-50 кампаній маюць дачыненне да тэхналагічнай сферы:

• Cisco (3)
• Microsoft (5)
• Fiserv (6)
• Intel (20)
• Salesforece (22)
• Adobe (26)
• Oracle (27)
• HPE (28)
• Stryker (35)
• IBM (36)
• Applied Materials (37)
• Cognizant Technology Solutions (40)
• Qualcomm (41)

Акрамя гэтага, Apple апынулася ў ліку найлепшых кампаній-«стартавых пляцовак», якія гатовыя наймаць недасведчаных супрацоўнікаў, навучаць іх і даваць шанец для працягу кар’еры ў новых працадаўцаў.

Alphabet, Meta, Netflix і Nvidia адзначыліся ў катэгорыі «кар’ернай стабільнасці» — гэтыя кампаніі плацяць годныя заробкі і маюць не вельмі моцны адток кадраў.

Моцным бокам Amazon нечакана аказаўся кар’ерны рост — гэтая катэгорыя пра кампаніі, якія адчыняюць дзверы людзям без досведу і даюць магчымасць для хуткага навучання і прафесійнага росту ўнутры кампаніі.

Microsoft і Oracle больш за астатніх схільныя прасоўваць ужо наяўных людзей, а менеджары ў гэтых кампаніях часцей аказваюцца «дамарослымі».

Cognizant і HPE лаяльней за ўсіх ставяцца да людзей без адукацыі і гатовыя дапамагаць ім будаваць кар’еру.

Паглядзець вынікі ўсіх 250 кампаній можна тут. Метадалогію аўтары апісалі тут.