Аддзел навін 30 снежня 2022, 14:37

Must-read: топ-8 блогаў на dev.by у 2022 годзе

dev.by сёлета запусціў блогі! І там шмат цікавага. Сабралі для вас вартыя ўвагі публікацыі.

Як навучыцца тэсціраваць і самому знайсці працу ў цяжкія часы

Арцём Русаў падрыхтаваў падрабязны гід для тых, хто хоча самастойна навучыцца тэсціраванню. Патрэбная літаратура, YouTube-каналы і рэсурсы ў адным месцы.

Даведацца, як пачаць тэсціраваць

Як быць паспяховым джуном і не заваліць выпрабавальнага тэрміну

Мастадонт бізнэс-аналізу Алена Гарапека сабрала парады, якія дапамогуць усім джунам без досведу працы не толькі атрымаць запаветны офер, але і застацца працаваць у кампаніі. Рэкамендацыі асабліва актуальныя ў гэтым турбулентным 2022 годзе.

Парады ад Алены Гарапекі

Айцішнік у вёсцы. Частка першая: як я застаўся без працы і пераехаў за горад

Як выжыць у доме без каналізацыі? Ці рэальна #вайсціўайці без англійскай і досведу? Як выглядае вольны час у вёсцы на 120 дамоў? Пра гэта расказвае Яўген Румянцаў, джун-тэсціроўшчык, які з’ехаў жыць на вёску.

Прыгоды айцішніка на вёсцы

«Выбралі дыскамфортны камфорт». Людзі расказваюць, як ім пасля пераезду ў Польшчу

Нашая аўтарка Вольга, якая займаецца рэлакацыяй супрацоўнікаў у адной з IT кампаній і вядзе блог пра пераезд у Польшчу, спытала людзей, якія пераехалі — як змянілася іх жыццё пасля. Водгукі атрымаліся супярэчлівыя — ад «старое жыццё скончылася, а новае не пачалося» да «ідэальнае месца для дзяцей».

Багата думак і абмеркаванне ў каментах

Як жывуць і працуюць айцішнікі ва Украіне падчас блэкаўту

Пасля расійскіх абстрэлаў мільёны ўкраінцаў жывуць у перманентным блэкаўце. Нашая аўтарка паразмаўляла са знаёмымі ўкраінскімі айцішнікамі, каб даведацца — як яны выжываюць і працуюць, калі электрычнасці можа не быць па 13 гадзін.

Важныя гісторыі з Украіны

Падаюць продажы ў ІТ: рашэнні, якія мы назапасілі за паўгода

У сусветным аўтсорсінгу да нядаўняга часу ўсім хапала працы і заказаў. У 2021 годзе назіраўся хуткі рост пасля кавіднага 2020-га. Цяпер у IT рэзка адчулі спад продажаў. Тамара Кулінковіч, Co-owner «Sorokin & Kulinkovich Studio», Non-tech IT Academy Skademy.by глядзіць на сітуацыю ў свеце і дзеянні, якія робяць кампаніі. І збірае варыянты рашэнняў.

Як падняць продажы

Ці праграмаванне прыдумалі жанчыны? Кароткі экскурс у гісторыю IT-індустрыі

Жанчыны стаялі ля вытокаў праграмавання, але цяпер пераважная большасць працаўнікоў IT-індустрыі — мужчыны. Праект «Women in Tech» вырашыў аднавіць справядлівасць і расказвае пра выбітных праграмістак.

Як жанчыны прыдумалі праграмаванне

Топ сэрвісаў для прапампоўкі рэзюмэ і падрыхтоўкі да сумоўя

Як скласці рэзюмэ, ад якога кожны рекруцёр будзе ў захапленні? Дзе знайсці адказы на самыя падступныя пытанні? Алена Гладкова — HR дырэктар кампаніі Scorum і фаўндар рэкрутынгавай кампаніі KeyPeople падрыхтавала вялікі спіс карысных рэсурсаў.

Карысныя рэсурсы