Прэзідэнт ЗША Дональд Трамп абвясціў пра стварэнне Super Intelligence Force — новай міжведамаснай групы, якая будзе каардынаваць палітыку ЗША ў сферы ШІ. Узначаліць яе дырэктар нацыянальнай выведкі Джэй Клэйтан.
Прэзідэнт ЗША Дональд Трамп абвясціў пра стварэнне Super Intelligence Force — новай міжведамаснай групы, якая будзе каардынаваць палітыку ЗША ў сферы ШІ. Узначаліць яе дырэктар нацыянальнай выведкі Джэй Клэйтан.
Паводле Трампа, задача новай структуры — дапамагчы ЗША захаваць сусветнае лідарства ў галіне «суперінтэлекту», а таксама каардынаваць працу федэральнага ўрада з тэхналагічнымі кампаніямі, спажыўцамі, грамадскімі і рэлігійнымі арганізацыямі і аператарамі крытычнай інфраструктуры.
«Super Intelligence Force павінна каардынаваць намаганні федэральнага ўрада, каб Амерыка працягвала лідзіраваць у свеце ў галіне суперінтэлекту», — напісаў Трамп у Truth Social. Паводле яго, гэтая тэхналогія можа аказацца важнейшай за прамысловую рэвалюцыю і інтэрнэт.
У склад групы таксама ўвойдуць кіраўнік Федэральнай гандлёвай камісіі Эндру Фергюсан, намеснік міністра абароны ў даследаваннях і распрацоўках Эміль Майкл і дырэктар Упраўлення кадравай службы Скот Купар. Яны стануць намеснікамі старшыні.
Як піша The Wall Street Journal, групе далі 120 дзён на падрыхтоўку даклада аб рызыках і магчымасцях ШІ. У статуце гаворыцца, што яна павінна распрацаваць планы рэагавання на пагрозы, звязаныя з «суперінтэлектам», але пры гэтым не дапусціць залішняга рэгулявання, якое магло б запавольніць інавацыі і канкурэнцыю.
Клэйтан раней заяўляў, што адной з галоўных рызык для ЗША з’яўляецца магчымасць «не быць першымі» ў развіцці ШІ, асабліва на фоне канкурэнцыі з Кітаем. Назва групы звязана з нядаўнім рашэннем Трампа перайменаваць штучны інтэлект у Super Intelligence, або SI. Прэзідэнт ЗША падпісаў указ, які прадпісвае федэральным ведамствам выкарыстоўваць новы тэрмін у афіцыйнай перапісцы, на сайтах і ў справаздачах замест AI.
Рэлацыраваліся? Цяпер вы можаце каментаваць без верыфікацыі акаўнта.