Адміністрацыя Дональда Трампа ўзмацняе меры супраць кітайскай кампаніі DeepSeek і вытворцы чыпаў Nvidia. Новыя абмежаванні павінны запаволіць тэхналагічнае развіццё Кітая ў сферы штучнага інтэлекту, якое, паводле меркавання Белага дома, пагражае нацыянальнай бяспецы і глабальнаму ўплыву ЗША.
Адміністрацыя Дональда Трампа ўзмацняе меры супраць кітайскай кампаніі DeepSeek і вытворцы чыпаў Nvidia. Новыя абмежаванні павінны запаволіць тэхналагічнае развіццё Кітая ў сферы штучнага інтэлекту, якое, паводле меркавання Белага дома, пагражае нацыянальнай бяспецы і глабальнаму ўплыву ЗША.
На гэтым тыдні адміністрацыя Трампа ўвяла абмежаванні на экспарт ШІ-чыпаў Nvidia у Кітай, у тым ліку чыпа H20, распрацаванага спецыяльна для кітайскага рынку. Цяпер для яго паставак спатрэбіцца спецыяльная ліцэнзія. Акрамя таго, разглядаюцца меры па блакаванні доступу DeepSeek да амерыканскіх тэхналогій і магчымай забароне для амерыканцаў карыстацца сэрвісамі кампаніі. Пра гэта паведамляе The New York Times са спасылкай на тры крыніцы, якія пажадалі застацца ананімнымі.
Кангрэс ЗША таксама ўзмацніў ціск на Nvidia. Спецыяльны камітэт па Кітаі пачаў расследаванне продажаў чыпаў кампаніі ў Азіі, падазраючы, што Nvidia магла перадаць DeepSeek тэхналогіі, якія парушаюць экспартныя правілы ЗША. Камітэт запытаў у Nvidia інфармацыю пра кліентаў з 11 азіяцкіх краін, у тым ліку Сінгапура і Малайзіі, якія закуплялі буйныя партыі ШІ-чыпаў з 2020 года.
Вашынгтон выказвае занепакоенасць поспехамі DeepSeek, асабліва пасля выхаду мадэлі DeepSeek-V3 у студзені гэтага года. Кампанія заявіла, што навучанне гэтай мадэлі каштавала ўсяго $6 мільёнаў — у разы танней, чым у амерыканскіх канкурэнтаў. Гэта заява выклікала паніку на Уол-стрыт: акцыі Nvidia ўпалі на 17%, а рынкавая капіталізацыя кампаніі скарацілася на $600 мільярдаў.
Аналітыкі звяртаюць увагу на сувязі DeepSeek з кітайскімі ваеннымі структурамі. Паводле дадзеных кампаніі Exiger, дзясяткі даследчыкаў DeepSeek супрацоўнічалі з Народна-вызваленчай арміяй Кітая і інстытутамі, звязанымі з распрацоўкай ядзернай зброі. Таксама з’явіліся абвінавачванні ў тым, што DeepSeek абыходзіць амерыканскія абмежаванні, закупляючы чыпы Nvidia праз пасярэднікаў у Сінгапуры.
Прадстаўнік Nvidia Джон Рыца заявіў, што кампанія строга выконвае правілы амерыканскага экспартнага кантролю і не дапускае перанакіравання паставак у Кітай. Кампанія паведаміла, што чакае зніжэння даходаў на $5,5 мільярда з-за тарыфаў, уведзеных адміністрацыяй Трампа раней у гэтым месяцы.
Рэлацыраваліся? Цяпер вы можаце каментаваць без верыфікацыі акаўнта.