Беларусу з працай і жыллём у Польшчы не далі візу

Мужчына атрымаў працоўную D візу ў студзені — заключыў дамову падраду (umowa o dzieło) з польскай кампаніяй, атрымаў запрашэнне, пераехаў у Польшчу. Працаваў аддалена праз інкубатар. Таксама ён прывёз з сабой грошы для куплі кватэры на выпадак, калі ў Польшчы ўсё складзецца. Падавацца на ВНЖ беларус не спяшаўся — арандаваў кватэру ў Быдгашчы, але разумеў, што купляць сваё лепш у горадзе паменш, а падавацца трэба ў тым ваяводстве, дзе жывеш.

Праз некалькі месяцаў пачаў афармляць угоду па куплі жылля ў іншым ваяводстве — у растэрміноўку праз натарыуса. Выбар спыніў на Чанстахове. Пачаў абстаўляць жыллё мэбляй, рабіць рамонт, заняўся абменам правоў кіроўцы. У Беларусь ён з’ездзіў 3 ці 4 разы, каб наведаць бацьку, які пакутуе на рассеяны склероз. Праблем на мяжы не было.

У апошнюю паездку беларус вырашыў заадно зрабіць новую візу — цяперашняя заканчваецца праз 3 месяцы. Падаўся ў Лідзе. Працадаўца сказаў, што запрашэнне дзейнічае 2 гады, і новае рабіць не трэба. Але раніцай 17 лістапада прыйшла адмова па 10 пункце — гэта калі ў консула «ёсць абгрунтаваныя сумневы наконт зробленых вамі заяў аб мэце вашага знаходжання на тэрыторыі Польшчы», таму што «мэта паездкі можа быць іншай, чым было заяўлена».

«Я ў разгубленасці. Афіцыйна працую ў Польшчы, плачу ўсе падаткі, набыў нерухомасць, і тут адмова ў працоўнай візе», — дзеліцца беларус. Пашпарт у яго не новы, у ім ужо 5 віз — літоўскія і польскія, а праблем з законам у мужчыны ніколі не было.

Варыянтаў у яго два. Першы — ехаць у Польшчу, пакуль віза не скончылася, падавацца на ВНЖ і 2 гады не выязджаць. Другі — прадаваць кватэру і вяртацца ў Беларусь назаўсёды. Апеляцыю ён пакуль не падаваў — каштуе €170, а вынік сумнеўны. Але не выключае.

ШІ скарачае айцішнікаў, але павышае заробкі астатнім — да 28% у год

Па тэме

ШІ скарачае айцішнікаў, але павышае заробкі астатнім — да 28% у год