Николай Чикишев 18 студзеня 2023, 15:57

Twitter шукае грошы: сацсетка прапанавала дысконт-тарыф на падпіску

Сацсетка паказала гадавую дысконт-падпіску Blue за $84. Такое рашэнне звязваюць з фінансавымі праблемамі ў кампаніі.

Падпіска дае верыфікаваную птушку, прыярытэт у трэдах, а таксама магчымасць рэдагаваць твіты, скрыванне рэкламы ды іншыя магчымасці. Гадавая сума звычайнай падпіскі складае $96, у праграме для iOS — $132. Такім чынам, карыстальнікі змогуць зэканоміць 12% і 36% адпаведна.

Кампанія не ўдакладніла, з чым звязанае рашэнне ўвесці такую падпіску. The Verge звязвае гэта з недахопам сродкаў: раней СМІ паведамлялі, што кампанія «тыднямі» не плаціла за арэнду офісаў і атрымала за гэта пазоў у Сан-Францыска. Паводле даных The Information, пасля прыходу Ілана Маска Twitter пазбавіўся больш як 500 рэкламадаўцаў, выручка за 17 студзеня склала на 40% менш, ніж у той жа дзень у 2022 годзе.