Кампанія «А-100 Праект» адкрыла лабараторыю BIM Lab, дзе будуць вучыць праектаваць будынкі з дапамогай 3D-мадэляў, піша myfin.by. Яна прызначана для архітэктараў, канструктараў ды інжынераў. Удзельнікі змогуць асвоіць Autodesk Revit, папрацаваць над агульным праектам і навучыцца знаходзіць памылкі да пачатку будаўніцтва.
Кампанія «А-100 Праект» адкрыла лабараторыю BIM Lab, дзе будуць вучыць праектаваць будынкі з дапамогай 3D-мадэляў, піша myfin.by. Яна прызначана для архітэктараў, канструктараў ды інжынераў. Удзельнікі змогуць асвоіць Autodesk Revit, папрацаваць над агульным праектам і навучыцца знаходзіць памылкі да пачатку будаўніцтва.
BIM (Building Information Modeling) дазваляе ствараць лічбавую мадэль будынка, якая ўтрымлівае дадзеныя пра канструкцыі, матэрыялы ды інжынерныя камунікацыяі. У адрозненне ад праектавання з чарцяжоў, такая мадэль дазваляе архітэктарам, канструктарам ды інжынерам правяраць, як спалучаюцца іх рашэнні, і ліквідаваць нестыкоўкі на камп’ютары, каб не сутыкнуцца з імі на будоўлі. Лічбавая мадэль таксама дапамагае аўтаматычна фарміраваць чарцяжы і спецыфікацыі, разлічваць аб’ёмы матэрыялаў і нават сачыць за станам аб’екта падчас эксплуатацыі.
У «А-100 Праект» выкарыстоўваюць BIM даўно, але ў Беларусі такі падыход пакуль не вельмі распаўсюджаны, таму кампанія вырашыла падзяліцца вопытам. Там адзначаюць, што лабараторыя дазволіць праектоўшчыкам паспрабаваць тэхналогію на практыцы і выйсці на новы прафесійны ўзровень.
«BIM-праектаванне стала глабальным трэндам, дазваляючы ствараць мадэлі будынкаў хутчэй і дакладней. Мы хочам падзяліцца вопытам выкарыстання тэхналогіі, каб павысіць не толькі майстэрства беларускіх праектоўшчыкаў, але і якасць будаўніцтва ў краіне. Лічбавыя двайнікі будынкаў даюць магчымасць разгледзець праект з усіх бакоў, высветліць, як спалучаюцца розныя яго часткі і ўзаемадзейнічаюць паміж сабой канструкцыі і камунікацыі. Такое рашэнне з высокай доляй верагоднасці не створыць сюрпрызаў у працэсе будаўніцтва», — тлумачаць у BIM Lab.
Лабараторыя разлічана на спецыялістаў з вопытам праектавання, у тым ліку тых, хто працуе ў AutoCAD і хоча асвоіць BIM. Усе ўдзельнікі атрымліваюць сертыфікат і праект для партфоліа, а найлепшым могуць прапанаваць працу ў «А-100 Праект».
Релоцировались? Теперь вы можете комментировать без верификации аккаунта.