Гомельская міліцыя паведаміла пра нестандартную махлярскую схему. Злачынец знаёміцца з ахвярай у сацсетках, уваходзіць у давер, а потым пад рознымі падставамі просіць яе выйсці са свайго акаўнта ў iCloud і зайсці ў яго.
Гомельская міліцыя паведаміла пра нестандартную махлярскую схему. Злачынец знаёміцца з ахвярай у сацсетках, уваходзіць у давер, а потым пад рознымі падставамі просіць яе выйсці са свайго акаўнта ў iCloud і зайсці ў яго.
Калі чалавек уваходзіць у чужы акаўнт, тэлефон блакуецца, а махляр пачынае патрабаваць грошы за аднаўленне ўліковага запісу. Пасля атрымання грошай махляр альбо перастае выходзіць на сувязь, альбо патрабуе яшчэ. Пацярпелыя ў асноўным ва ўзросце 18-30 гадоў.
Паводле дадзеных праваахоўнікаў, махляры дзейнічаюць на тэрыторыі Цэнтральнага раёна Гомеля. Напрыклад, у ліпені ў органы звярнуўся малады чалавек, які пазнаёміўся з дзяўчынай у Telegram. Яна папрасіла яго ўвайсці ў яе iCloud і пераслаць адтуль фатаграфіі курсавой. Хлопец увайшоў у акаўнт, а тэлефон заблакаваўся і стаў лічыцца як страчаны. Праз нейкі час яму напісала тая дзяўчына і запатрабавала грошы за разблакіроўку.
Рэлацыраваліся? Цяпер вы можаце каментаваць без верыфікацыі акаўнта.
А в чём нестандартность этой схемы, если ей примерно миллион лет?