Anthropic дадала ў рэжым Claude Cowork уласны браўзер. Цяпер ШІ можа самастойна адкрываць сайты, чытаць старонкі, пераходзіць па спасылках, уводзіць тэкст і запаўняць формы — без пашырэння для Chrome.
Anthropic дадала ў рэжым Claude Cowork уласны браўзер. Цяпер ШІ можа самастойна адкрываць сайты, чытаць старонкі, пераходзіць па спасылках, уводзіць тэкст і запаўняць формы — без пашырэння для Chrome.
Браўзер адкрываецца ў бакавой панэлі прыкладання Claude, калі задача патрабуе працы з сайтам. Напрыклад, агент можа сабраць дадзеныя з анлайн-панэлі, спампаваць рахункі з асабістага кабінета або прайсці праз сервіс, для якога ў Claude няма асобнага канектара.
Пры гэтым убудаваны браўзер аддзелены ад браўзера самога карыстальніка: Claude не атрымлівае доступу да адкрытых укладак, закладак і захаваных пароляў. Пры жаданні аўтарызацыю на асобных сайтах можна перанесці з Chrome, Edge або Firefox. Банкаўскія сервісы, пошта і сайты з адзіным уваходам пры пераносе выключаюцца па замоўчванні — іх трэба дадаваць асобна.
Anthropic цяпер прапануе два спосабы даць Claude доступ да вэба. Убудаваны браўзер Cowork разлічаны на задачы, якія можна цалкам перадаць агенту. Claude in Chrome застаецца варыянтам для працы непасрэдна з ужо адкрытымі карыстальнікам старонкамі і акаўнтамі.
Убудаваны браўзер цягам тыдня з’явіцца ў карыстальнікаў Pro, Max і Team у дэсктопным Claude для macOS, Windows і Linux. Для Enterprise функцыя ўжо даступная, але яе ўключэнне кантралююць адміністратары арганізацыі. Карыстацца браўзерам Claude можна будзе нават з тэлефона або з вэб-версіі сервісу, калі дэсктопнае прыкладанне на кампутары запушчана і падключана да інтэрнэту.
Рэлацыраваліся? Цяпер вы можаце каментаваць без верыфікацыі акаўнта.