Аддзел навін 8 жніўня 2024, 16:52

У Flo ўжо 70 млн актыўных карыстальнікаў на месяц. Гурскі пахваліўся поспехамі

CEO Flo Health Зміцер Гурскі падзяліўся ў лінкедзіне апошнімі вынікамі праграмы. У ліпені ў Flo рэкордная колькасць усталёвак — 7,4 млн, а агульная колькасць актыўных карыстальнікаў «большая за насельніцтва Вялікабрытаніі».

2 каментарыя

У Flo ўжо 70 млн актыўных карыстальнікаў на месяц. Гурскі пахваліўся поспехамі

CEO Flo Health Зміцер Гурскі падзяліўся ў лінкедзіне апошнімі вынікамі праграмы. У ліпені ў Flo рэкордная колькасць усталёвак — 7,4 млн, а агульная колькасць актыўных карыстальнікаў «большая за насельніцтва Вялікабрытаніі».

«Flo дасягнула трох значных вынікаў», — напісаў Гурскі. Вось яны:

«70 млн актыўных карыстальнікаў на месяц (MAU). Гэта больш за насельніцтва такіх краін, як Вялікабрытанія, Францыя ці Італія. Flo — самая папулярная праграма ў свеце ў катэгорыі „Здароўе і фітнэс“. За апошнія 12 месяцаў колькасць актыўных карыстальнікаў Flo павялічылася больш як на 14 млн.
5 млн платных падпісчыкаў. Рост — 55% за год.
7,4 млн новых усталёвак у ліпені, што з’яўляецца нашым рэкордам за ўвесь час. Flo расла і працягвае расці ў асноўным арганічна, з дапамогай сарафаннага радыё».