Да 2030 года ў Мінску павінна з’явіцца звыш 5 тысяч зарадных станцый для электрамабіляў. Пра гэта паведамляе БЕЛТА са слоў старшыні камітэта архітэктуры і горадабудаўніцтва Мінгарвыканкама Віктара Гуцько.
Да 2030 года ў Мінску павінна з’явіцца звыш 5 тысяч зарадных станцый для электрамабіляў. Пра гэта паведамляе БЕЛТА са слоў старшыні камітэта архітэктуры і горадабудаўніцтва Мінгарвыканкама Віктара Гуцько.
«З улікам развіцця інфраструктуры да 2030 года ў Мінску плануецца звыш 5 тысяч зарадных станцый», — паведаміў чыноўнік на пасяджэнні Мінскага гарадскога Савета дэпутатаў.
Паводле стану на 1 ліпеня ў сталіцы налічвалася больш за 30 тысяч электрамабіляў і каля 1,3 тысячы зарадных станцый рознай магутнасці.
Зарадныя станцыі да 44 кВт, час зарадкі на якіх складае ад 2 да 8 гадзін, як правіла ставяць у месцах працяглай стаянкі — напрыклад, у жылых мікрараёнах, каля гасцініц і офісаў. Хуткія — да 170 кВт і з часам зарадкі ад 30 хвілін да 2 гадзін — і звышхуткія станцыі — звыш 170 кВт і з часам зарадкі за 10-20 хвілін — размяшчаюць каля транспартных вузлоў з інтэнсіўнымі транспартнымі патокамі, на АЗС, каля гандлёвых цэнтраў, на перахопліваючых парковках.
«Канцэпцыяй развіцця зараднай інфраструктуры запланавана, што каля 70% ад агульнай колькасці станцый складуць менавіта хуткія і звышхуткія», — адзначыў Гуцько. Дакумент вынесены на разгляд у межах працы па рэалізацыі ўказа «Аб стымуляванні выкарыстання электрамабіляў».
Релоцировались? Теперь вы можете комментировать без верификации аккаунта.