Кіраўнік ElevenLabs Маты Станішэўскі ўводзіць незвычайную арганізацыйную мадэль: цяпер у кожнай нетэхнічнай камандзе стартапу — HR, юрысты ці аддзел продажаў — будзе працаваць выдзелены інжынер. Ягоная задача — не проста пісаць код, а аўтаматызаваць руціну і павысіць тэхнічныя навыкі ўсёй каманды.
Кіраўнік ElevenLabs Маты Станішэўскі ўводзіць незвычайную арганізацыйную мадэль: цяпер у кожнай нетэхнічнай камандзе стартапу — HR, юрысты ці аддзел продажаў — будзе працаваць выдзелены інжынер. Ягоная задача — не проста пісаць код, а аўтаматызаваць руціну і павысіць тэхнічныя навыкі ўсёй каманды.
На думку Станішэўскага, гэта лагічны крок у эпоху, калі праграмаванне станавіцца больш даступным. «Гэта сапраўды дапамагае, бо цяпер кожны зможа многа „вайбкодзіць“ і проста праграмаваць», — зазначае CEO.
Інжынеры ва ўнутраных камандах ствараюць інструменты пад канкрэтныя патрэбы — напрыклад, сістэмы скрэпінгу для рэкрутэраў ці аналітычныя модулі, якія прагназуюць поспех угодаў на аснове мінулага вопыту.
Гэты падыход ужо дае вынікі. У аддзеле продажаў ElevenLabs увялі ўласную сістэму скорынгу, якая дазваляе менеджарам самастойна вызначаць умовы для кліентаў. Раней трэба было кожны раз звяртацца да кіраўніцтва, цяпер жа інструмент эканоміць час усім удзельнікам працэсу.
У аснове гэтай стратэгіі — прынцып «скразнога валодання» (end-to-end ownership). Замест класічнай структуры, дзе кожны адказвае толькі за свой вузкі ўчастак, у ElevenLabs супрацоўнікі падзелены на 20 мікракамандаў па 5–10 чалавек. Кожная такая група — гэта міні-стартап унутры кампаніі, які цалкам вядзе свой праект ад дызайну да маркетынгу.
Гэты падыход становіцца стандартам у індустрыі ШІ-распрацовак. «Бачыш праблему — вырашай яе. Мы не традыцыйная кампанія, дзе кажуць: „Гэта работа таго аддзела“», — падкрэсліваюць у Cognition, якія падзяляюць філасофію ElevenLabs. Для Станішэўскага важна, каб каманды былі аўтаномнымі, а мяжы паміж тымі, хто вырабляе прадукт, і тымi, хто яго аўтаматызуе, канчаткова зніклі.
Рэлацыраваліся? Цяпер вы можаце каментаваць без верыфікацыі акаўнта.