МТС аб’явіў пра запуск мабільнай сувязі пятага пакалення «па ўсёй Беларусі». Але насамрэч не па ўсёй — пакуль карыстацца 5G-інтэрнэтам змогуць абаненты ў Мінску, Брэсце, Віцебску, Гомлі і Магілёве. Гаворка ідзе пра 1,1+ тысячы базавых станцый, з якіх больш за 80% працуюць на інфраструктуры МТС — апорах, электрасілкаванні і транспартнай сетцы.
МТС аб’явіў пра запуск мабільнай сувязі пятага пакалення «па ўсёй Беларусі». Але насамрэч не па ўсёй — пакуль карыстацца 5G-інтэрнэтам змогуць абаненты ў Мінску, Брэсце, Віцебску, Гомлі і Магілёве. Гаворка ідзе пра 1,1+ тысячы базавых станцый, з якіх больш за 80% працуюць на інфраструктуры МТС — апорах, электрасілкаванні і транспартнай сетцы.
Тэставаць 5G пачалі разам з beCloud у мінулым снежні. Правайдэр кажа, што для забеспячэння высокіх хуткасцяў загадзя мадэрнізаваў апорную сетку, і яна дае неабходную прапускную здольнасць з нізкімі затрымкамі.
Запуск 5G кампаніі звязваюць з патрабаваннямі Аляксандра Лукашэнкі павысіць якасць мабільнай сувязі на ўсёй тэрыторыі краіны.
«Запуск 5G — гэта гістарычны момант для ўсёй Беларусі. Тэхналогія нарэшце прыходзіць у краіну паўнавартасна. Мы зрабілі ўсё, каб нашыя абаненты атрымалі доступ да сучаснай сеткі пятага пакалення — з больш высокімі хуткасцямі і гатовасцю да росту. Упэўнены, 5G стане новым стандартам якасці сувязі і адкрые шырокія перспектывы для жыхароў, бізнесу і дзяржавы. МТС закладвае надзейны фундамент для будучых інавацыйных сэрвісаў на базе 5G прама зараз», — адзначыў гендырэктар МТС Уладзімір Козыр.
Сетка знаходзіцца ў працэсе актыўнага разгортвання: пакрыццё будзе паэтапна нарошчвацца і ахопліваць новыя тэрыторыі. Для доступу да 5G прылада абанента павінна падтрымліваць дадзены стандарт сувязі.
Першым 5G у Беларусі запусціў life.
Релоцировались? Теперь вы можете комментировать без верификации аккаунта.