Аддзел навін 1 жніўня 2023, 18:02

Uber упершыню зафіксаваў прыбытковы квартал

Таксі-сэрвіс Uber упершыню завяршыў квартал у плюсе. Гэта вынікае з дакументацыі, якую сёння выпусціла кампанія.

У другім квартале 2023 года даход Uber склаў $326 млн, а свабодны грашовы паток — $1,14 млрд. Прыбытак дасягнуў $394 млн супраць $49,2 млн са знакам мінус, як чакалі аналітыкі. Колькасць актыўных кіроўцаў за справаздачны перыяд вырасла на 33% год да года, а колькасць паездак — на 26% і стала рэкорднай. На навінах каціроўкі кампаніі на прэмаркеце ў Нью-Ёрку падняліся на 2,1%.

Рост выручкі абумоўлены павелічэннем попыту на пасажырскія перавозкі і дастаўкі. У ЗША і Канадзе аб’ём паездак вярнуўся да перадпандэмійнага ўзроўню, а попыт на дастаўку стаў рэкордным за ўвесь час. Як адзначыў гендырэктар Uber Дара Хасраўшахі, кампанія мае добрыя магчымасці, каб падтрымліваць стабільнае паступленне прыбытку.