Навукоўцы прыдумалі, як палепшыць смак піва з дапамогай АІ
Даследчыкі з Лёвенскага каталіцкага ўніверсітэта ў Бельгіі знайшлі спосаб палепшыць смак піва пры дапамозе штучнага інтэлекту, паведамляе The Guardian.
Яны прааналізавалі хімічны склад 250 гатункаў бельгійскага піва, а таксама правялі дэгустацыю сярод 16 удзельнікаў эксперымента, якія характарызавалі кожны гатунак па 50 параметрах, такіх як хмельны смак, слодыч і кіслотнасць. Працэс заняў тры гады. Акрамя гэтага, даследчыкі сабралі 180 тысяч каментароў пра розныя віды піва з яго характарыстыкамі на пляцоўцы для водгукаў RateBeer.
На аснове розных датасэтаў даследчыкі стварылі мадэлі машыннага навучання для прадказання таго, якім будзе смак — і прыняцце ў спажыўцоў — піва, зыходзячы з яго складу. Вынікі яны выкарысталі для паляпшэння існага на рынку піва, пасля чаго далі паспрабаваць спажыўцам. «Выпраўленае» піва атрымала вышэйшыя рэйтынгі, прычым як алкагольнае, так і безалкагольнае.
Читать на dev.by