Уладальнікі электрамабіляў у Беларусі ў 2027 годзе атрымаюць павесткі пра выплату транспартнага падатку. Пра гэта піша myfin.by са словаў міністра па падатках і зборах Дзмітрыя Кійко.
Уладальнікі электрамабіляў у Беларусі ў 2027 годзе атрымаюць павесткі пра выплату транспартнага падатку. Пра гэта піша myfin.by са словаў міністра па падатках і зборах Дзмітрыя Кійко.
Ільгота для электрамабіляў перастала дзейнічаць з 2026 года, таму цяпер такія аўтамабілі будуць абкладацца падаткам паводле стандартных ставак.
«Уладальнікі электрамабіляў у 2027 годзе таксама атрымаюць паведамленне на выплату транспартнага падатку», — сказаў кіраўнік МНС.
Ён растлумачыў, што транспартны падатак у Беларусі ідзе на дарожнае будаўніцтва. Таму «надышоў час ураўняць усіх у абавязках удзельнічаць у фінансаванні такога віду дзяржаўных расходаў».
Электрамабілі ў Беларусі былі цалкам вызваленыя ад транспартнага падатку з 1 студзеня 2021 года па 31 снежня 2025 года. Пачынаючы з сёлета падатак налічваецца паводле агульных ставак у залежнасці ад масы аўтамабіля. Напрыклад, для электрамабіляў да 1,5 тоны стаўка на 2026 год складае 75 рублёў, ад 1,5 да 1,75 тоны — 99 рублёў.
У Беларусі па-ранейшаму вызвалены ад выплаты ПДВ фізічныя асобы пры ўвозе электрамабіляў для асабістага карыстання — гэтую ільготу падоўжылі да 31 снежня 2028 года. Яна датычыць электракараў узростам не старэй за 5 гадоў (гібрыдаў — не).
Таксама электрамабілям усё яшчэ дазволена рухацца па паласах для грамадскага транспарту і захоўваецца нулявое мыта на ўвоз электрамабіляў у Беларусь у межах квот. На гэты год квота ўжо вычарпаная, так што цяпер пры ўвозе электракара трэба плаціць стандартныя 15%.
Релоцировались? Теперь вы можете комментировать без верификации аккаунта.