Памёр легендарны сабака Кабосу, які стаў героем мему Doge і «тварам» крыптавалюты

«Ён сышоў вельмі мірна, без пакут, быццам бы засынаючы, адчуваючы цяпло маіх рук, якія гладзілі яго. Вялікі дзякуй усім вам за тое, што любілі Кабосу ўсе гэтыя гады. Я ўпэўненая, што Кабосу быў самым шчаслівым сабакам у свеце. І гэта рабіла мяне самай шчаслівай уладальніцай у свеце», — напісала Сата.

Жанчына забрала Кабосу з прытулку ў 2008 годзе. У 2010 годзе яна апублікавала ў сваім блогу некалькі фатаграфій сабакі. Адзін са здымкаў са здзіўленай пысай Кабосу стаў асновай для мему. Вядомым сабака стаў у 2013 годзе, калі праграміст Білі Маркус паказаў крыптавалюту Dogecoin з выявай Кабосу.

Сабаку было каля 18,5 гадоў. Пры канцы 2022 года Сата расказала ў сваім блогу, што ў яе гадаванца дыягнаставалі хранічны лімфоідны лейкоз і востры халангіягепатыт.