«Разумныя» NPC, сцэнары, квэсты: Xbox укарэніць АІ у працэс распрацоўкі гульняў

Сістэма пад назвай AI Design Copilot будзе прымяняцца для стварэння падрабязных сцэнароў, дрэў дыялогаў, ліній квэстаў і шмат чаго іншага. Рухавік персанажаў АІ можа быць інтэграваны ў гульні і выкарыстаны для дынамічнай генерацыі гісторый, квэстаў і дыялогаў. NPC з АІ будуць рэагаваць на пытанні гульца аналагічна таму, як ChatGPT або Bing Chat адказваюць на запыты на натуральнай мове. Такія NPC могуць адказваць унікальнымі галасамі і актываваць складаныя дрэвы дыялогаў або персаналізаваныя дынамічныя сюжэтныя лініі.

«Гэта партнёрства аб’яднае: вопыт Inworld у працы з генератыўнымі мадэлямі штучнага інтэлекту для распрацоўкі персанажаў і перадавыя воблачныя рашэнні Microsoft для штучнага інтэлекту, уключаючы сэрвіс Azure OpenAI. Тэхнічная інфармацыя Microsoft Research і моцныя бакі каманды Xbox у рэвалюцыйнай распрацоўцы даступных і адказных інструментаў таксама стануць істотнай падмогай для распрацоўшчыкаў», — заявіў генеральны менеджар па гульнявым АІ у Xbox Хаян Чжан.

Аднак інтэграцыя АІ у геймдызайн або агучку мае і адваротны бок. Прафсаюз акцёраў SAG-AFTRA нядаўна прагаласаваў за дазвол на забастоўку для выканаўцаў персанажаў для відэагульняў. «Праз эксплуататарскае выкарыстанне штучнага інтэлекту і нізкай заработнай платы, тыя, хто працуе ў відэагульнях, сутыкаюцца з тымі ж праблемамі, што і акцёры, якія працуюць у кіно і на тэлебачанні», — сказаў галоўны спецыяліст па кантрактах SAG-AFTRA Рэй Радрыгес.