ЮНЕСКА — структура ААН у пытаннях адукацыі, навукі і культуры — выпусціла даклад, у якім кажа ара неабходнасць забараніць смартфоны ў школах. Гэта трэба, каб вучні менш адцягваліся, для павышэння якасці адукацыі і абароны дзяцей ад кібербулінгу.
ЮНЕСКА — структура ААН у пытаннях адукацыі, навукі і культуры — выпусціла даклад, у якім кажа ара неабходнасць забараніць смартфоны ў школах. Гэта трэба, каб вучні менш адцягваліся, для павышэння якасці адукацыі і абароны дзяцей ад кібербулінгу.
У арганізацыі заявілі пра наяўнасць пацверджанняў таго, што злоўжыванне смартфонамі прыводзіць да зніжэння паспяховасці і адмоўна ўплывае на эмацыйную ўстойлівасць дзяцей. На фоне пераносу велізарнай часткі адукацыйнага працэсу ў анлайн у ЮНЕСКА заклікаюць не ігнараваць яго сацыяльнага кампанента. Там лічаць, што лічбавыя тэхналогіі ў цэлым, уключаючы штучны інтэлект, не маюць замяняць жывое ўзаемадзеянне дзяцей з настаўнікамі.
У дакладзе таксама перасцерагаюць урады ад бяздумнага ўкаранення лічбавых тэхналогій. У ім адзначаецца, што іх карысць у вучобе і для эфектыўнасці эканомікі можа быць перабольшаная.
Празмернае і недарэчнае выкарыстанне вучнямі тэхналогій у класе і дома, ці то смартфонаў, ці то планшэтаў і ноўтбукаў, адцягвае іх і шкодзіць вучобе, сцвярджаюць аўтары даклада. Яны спасылаюцца на даныя маштабных даследаванняў розных краін, якія выявілі негатыўную карэляцыю паміж ужываннем лічбавых тэхналогій і вынікамі дзяцей.
Між тым у чвэрці з 200 разгледжаных даследчыкамі краін свету смартфоны ў школах ужо забароненыя. Напрыклад, у Францыі бан увялі ў 2018 годзе, а ў Нідэрландах ён пачне дзейнічаць ад наступнага года.
Рэлацыраваліся? Цяпер вы можаце каментаваць без верыфікацыі акаўнта.
Все равно чушь преподают, какая разница!