У Apple зноў прайшлі скарачэнні
Apple звольніла каля 100 супрацоўнікаў падраздзялення лічбавых паслуг, піша Bloomberg са спасылкай на дасведчаныя крыніцы.
Супрацоўнікам, якія трапілі «пад нож», навіну паведамілі ўчора. Сярод іх былі інжынеры, і больш за ўсё пацярпела каманда, адказная за праграму Apple Ibooks і Apple Bookstore. Таксама пад скарачэнні патрапілі супрацоўнікі іншых каманд, напрыклад, той, якая займаецца навінавым сэрвісам Apple News.
Звальненні звязаныя са зрухам прыярытэтаў. Нягледзячы на зніжэнне яго важнасці для кампаніі, Apple Books з часам атрымае шэраг новых функцый. Тым не менш Apple News па-ранейшаму ў цэнтры ўвагі «яблычнай» кампаніі.
Як адзначае Bloomberg, звальненні — рэдкая з’ява для Apple, але і тут яны здараюцца. Напрыклад, на пачатку года яна пазбавілася мінімум 600 супрацоўнікаў.
Читать на dev.by