У Беларусь хутка нельга будзе бясплатна ўвозіць электракары і гібрыды
Дзяржаўны мытны камітэт паведаміў, што ў бліжэйшы месяц Беларусь можа вычарпаць квоту на бяспошлінны ўвоз электрамабіляў.
Дзяржаўны мытны камітэт паведаміў, што ў бліжэйшы месяц Беларусь можа вычарпаць квоту на бяспошлінны ўвоз электрамабіляў.
Тарыфная льгота для юрасоб і ІП прадугледжана рашэннем Камісіі Мытнага саюза ад 27 лістапада 2009 года. Яна распаўсюджваецца на ўвоз электрычных і гібрыдных аўтамабіляў.
Як адзначае av.by, на 2025 год Еўразійская эканамічная камісія ўстанавіла квоту ў 15 тысяч электракараў, якія можна ўвезці ў Беларусь без пошліны. Па стане на 1 ліпеня гэтая лічба дасягала 11,5 тысяч машын. Пры гэтым кожны месяц у краіну ўязджае каля 2 тысяч электрычных аўто.
Ведамства папрасіла ўлічваць гэтую інфармацыю пры планаванні ўвозу электрамабіляў і паабяцала штодзённа інфармаваць аб аб'ёме квоты, які застаўся. Пасля яе вычарпання імпарцёрам прыйдзецца плаціць пошліны ў поўным памеры, што можа прывесці да падаражання "зялёных" аўто.
У Беларусі актыўна расце колькасць электрамабіляў на дарогах
У Беларусі актыўна расце колькасць электрамабіляў на дарогах
Рэлацыраваліся? Цяпер вы можаце каментаваць без верыфікацыі акаўнта.