Беларуская валютна-фондавая біржа запусціць фінансавы маркетплэйс «Фінмаркет». Яго падчас міжнароднага форуму па банкаўскіх тэхналогіях «БАНКІТ-2025» прадставіў старшыня праўлення біржы Андрэй Аўхіменя. Аб планах на такую пляцоўку ў маі распавядаў Нацбанк.
Беларуская валютна-фондавая біржа запусціць фінансавы маркетплэйс «Фінмаркет». Яго падчас міжнароднага форуму па банкаўскіх тэхналогіях «БАНКІТ-2025» прадставіў старшыня праўлення біржы Андрэй Аўхіменя. Аб планах на такую пляцоўку ў маі распавядаў Нацбанк.
Новая лічбавая платформа аб’яднае шырокі спектр фінансавых інструментаў і сэрвісаў. Яна забяспечыць празрысты і бяспечны доступ да інвестыцыйных прадуктаў і пашырыць інвестыцыйныя магчымасці для ўсіх удзельнікаў рынку, гаворыцца ў рэлізе БВФБ.
«Запуск маркетплэйса „Фінмаркет“ — гэта лагічны крок у развіцці лічбавай экасістэмы фінансавага рынку Беларусі. Платформа не толькі створыць новыя магчымасці для бізнесу, але і зменіць досвед узаемадзеяння кліентаў з фінансавымі інстытутамі, зрабіўшы яго простым, празрыстым і эфектыўным», — адзначыў Аўхіменя.
У гэтым годзе платформа павінна абзавесціся інструментамі для IPO, інфраструктурай для верыфікацыі кліентаў і інтэграцыяй з банкамі і дэпазітарыямі. На наступны год запланавана ўкараненне банкаўскіх і страхавых прадуктаў, такіх як крэдыты, дэпазіты, плацежныя карткі і страхоўкі. У поўную сілу платформа запрацуе, мяркуючы па ўсім, у 2027 годзе.
Релоцировались? Теперь вы можете комментировать без верификации аккаунта.