Беларускія абітурыенты ў гэтым годзе ўпершыню змогуць падаць уступныя дакументы ў ВНУ па электроннай чарзе. Пра гэта на прэс-канферэнцыі 2 ліпеня ў Мінску паведаміў начальнік галоўнага ўпраўлення прафесійнай адукацыі Міністэрства адукацыі Сяргей Пішчоў.
Беларускія абітурыенты ў гэтым годзе ўпершыню змогуць падаць уступныя дакументы ў ВНУ па электроннай чарзе. Пра гэта на прэс-канферэнцыі 2 ліпеня ў Мінску паведаміў начальнік галоўнага ўпраўлення прафесійнай адукацыі Міністэрства адукацыі Сяргей Пішчоў.
Забраніраваць дату і час для наведвання прыёмнай камісіі можна кругласутачна праз асабісты кабінет на сайце Рэспубліканскага інстытута кантролю ведаў (РІКВ). Прадстаўленая абітурыентам інфармацыя будзе адпраўлена ў абраную ім ВНУ.
«Гэта зроблена для таго, каб скараціць час на падачу дакументаў, а ВНУ — прадугледзець дадатковую колькасць спецыялістаў, якія прымаюць дакументы. Усё гэта для таго, каб павысіць ступень зручнасці падачы дакументаў, каб скараціць час чакання, асабліва ў першыя і апошнія дні прыёму», — патлумачыў Пішчоў. Па «жывой чарзе» абітурыенты змогуць падаваць дакументы ва ўніверсітэты як раней.
Як адзначаюць беларускія медыя, у нашай краіне, у адрозненне ад шэрагу еўрапейскіх, няма магчымасці праз адзіны анлайн-партал падаць дакументы адразу ў некалькі ВНУ. Прадстаўнікі Мінадукацыі і ІТ-сектара раней уздымалі пытанне лічбавізацыі працэсу паступлення для зручнасці абітурыентаў і павышэння празрыстасці. Але з-за арганізацыйных, тэхнічных і бюракратычных складанасцяў паўнавартасную такую сістэму пакуль не рэалізавалі.
Некаторыя ВНУ спрабавалі запускаць свае анлайн-платформы, але яны не былі інтэграваны ў адзіны партал. Напрыклад, у БДУІР ёсць магчымасць падаваць дакументы адразу на некалькі спецыяльнасцяў, выбраўшы іх па прыярытэце.
Рэлацыраваліся? Цяпер вы можаце каментаваць без верыфікацыі акаўнта.