У Беларусі правялі унікальную аперацыю з дапамогай кітайскага робата

Аперацыю правёў у МНПЦ хірургіі, транспланталогіі і гематалогіі дырэктар цэнтра Алег Румо. Medbot называюць адным з самых сучасных рабатычных комплексаў, яго выкарыстоўваюць у шэрагу вядучых шпіталяў па онкaўралогіі і онкахірургіі. Каб навучыцца працаваць з ім, некалькі брыгад спецыялістаў МНПЦ ездзілі на стажыроўку ў Кітай.

Аперацыя прайшла пад наглядам кітайскіх калег — прадстаўнікоў пасольства і кампаніі Shanghai MicroPort Medbot. Аперавалі пацыентку з захворваннем жоўцевага пухіра і печані. Рабатызаваны комплекс у МНПЦ — першы апарат ва ўстановах аховы здароўя Мінздрава. Цэнтр таксама падпісаў пагадненне аб супрацоўніцтве ў галіне рабатычнай хірургіі з партнёрамі з Кітая.

«Пастаўленыя кітайскімі партнёрамі комплексы адносяцца да ліку найбольш тэхналагічных у свеце: яны аб’ядноўваюць назапашаны міжнародны досвед і прапануюць новыя магчымасці. З іх дапамогай можна праводзіць дыстанцыйныя аперацыі і кансультацыі — напрамак, які робіцца асабліва значным ва ўмовах лічбавізацыі і імкнення забяспечыць кожнаму пацыенту доступ да сучаснага хірургічнага лячэння незалежна ад месца пражывання і ўзроўню ўстановы», — заявіў Руммо.

Таксама ў МНПЦ ствараецца навучальны кластар для падрыхтоўкі спецыялістаў па рабатычнай хірургіі. Гэта пашырыць доступ пацыентаў да высокатэхналагічнай дапамогі, знізіць колькасць ускладненняў і скароціць тэрміны знаходжання ў стацыянары.

Генеральны дырэктар Shanghai MicroPort Medbot Хэ Чао кажа, што апарат адрозніваецца высокай дакладнасцю кіравання і абсталяваны інструментамі і відэасістэмай, якія дазваляюць выконваць складаныя ўмяшанні. Асноўныя напрамкі прымянення — аперацыі на печані, але комплекс падыходзіць і для ўралогіі, таракальнай хірургіі, уключаючы як лячэнне, так і дыягностыку. У Кітаі ўжо працуе больш за 60 такіх сістэм, а па свеце пастаўлена больш за 200.

Гуманоідныя робаты ў 2-3 разы менш эфектыўныя, чым людзі

Па тэме

Гуманоідныя робаты ў 2-3 разы менш эфектыўныя, чым людзі

У Беларусі з’явілася высокааўтаматызаваная вытворчасць для аўтапрома

Па тэме

У Беларусі з’явілася высокааўтаматызаваная вытворчасць для аўтапрома