Алеся Чапкевич bel 13 студзеня 2026, 14:16

У Беларусі ўвялі навінкі для кіроўцаў — некаторыя працэдуры цяпер даступныя аддалена

З 1 студзеня ў Беларусі пашырылі спіс паслуг МУС, якія можна атрымаць аддалена праз партал «Е-Паслуга». У пераліку з’явілася больш за 10 новых паслуг па транспартных сродках і пасведчаннях кіроўцы, піша tochka.by.

Пакінуць каментарый

У Беларусі ўвялі навінкі для кіроўцаў — некаторыя працэдуры цяпер даступныя аддалена

З 1 студзеня ў Беларусі пашырылі спіс паслуг МУС, якія можна атрымаць аддалена праз партал «Е-Паслуга». У пераліку з’явілася больш за 10 новых паслуг па транспартных сродках і пасведчаннях кіроўцы, піша tochka.by.

Цяпер можна аддалена зняць ТС з уліку. Працэдура даступна юрасобам і звычайным аўтаўладальнікам. Каштуе 1 базавую велічыню (45 рублёў).

Таксама праз інтэрнэт можна аформіць абмен пасведчання кіроўцы і выдачу замест страчанага. Можна нават замовіць выдачу пасведчання савецкага ўзору.

Паслугі даступны толькі асобам, чые дадзеныя ёсць у базах ДАІ і якія не пазбаўлены правоў кіроўцы.

Афармленне заявы абыдзецца ў 0,08 базавай (3,6 рубля) і 0,04 базавай (1,8 рубля) за камп’ютарныя паслугі. Дзяржпошліна за выдачу каштуе 2 базавыя (90 рублёў), а пры замене ў выпадку страты ці крадзяжу — 3 базавыя (135 рублёў).