ШІ праграмуе ўсё лепш, і некаторыя эксперты раяць ІТ-спецыялістам засяродзіцца на развіцці іншых навыкаў. Аднак выканаўчы віцэ-прэзідэнт і дырэктар па працы з кліентамі Ліз Цэнтоні лічыць, што вучыцца кодзіць — па-ранейшаму добрая парада.
ШІ праграмуе ўсё лепш, і некаторыя эксперты раяць ІТ-спецыялістам засяродзіцца на развіцці іншых навыкаў. Аднак выканаўчы віцэ-прэзідэнт і дырэктар па працы з кліентамі Ліз Цэнтоні лічыць, што вучыцца кодзіць — па-ранейшаму добрая парада.
«Ёсць некаторыя фундаментальныя моманты, якія развіваюць вашае мысленне для вырашэння задач», — сцвярджае яна ў інтэрв’ю Business Insider.
Сваю кар’еру Цэнтоні пачынала як распрацоўшчыца ПЗ, у Cisco яна ўжо 25 гадоў. Паводле яе слоў, навыкі праграмавання дапамагаюць ёй аналізаваць і вырашаць паўсядзённыя задачы. Адным з моцных бакоў яна лічыць уменне падзяляць задачы на часткі, будаваць гіпотэзы з улікам зыходных дадзеных і правяраць іх.
«Магчыма, ніхто не хоча казаць пра нудныя задачы, бо пра іх не пішуць у навінах. Але рэальнасць такая, што ёсць нудныя задачы, звязаныя з апрацоўкай вялікіх аб’ёмаў дадзеных. І іх выконваюць тысячы супрацоўнікаў», — патлумачыла Цэнтоні.
Гэта не азначае, што абавязкова трэба атрымліваць дыплом па інфарматыцы, працягнула яна. Але фундаментальныя рэчы, такія як кодынг, неабходныя, бо сёння патрабуецца не проста выконваць лінейныя праграмісцкія задачы, а працаваць са структураванымі і неструктураванымі дадзенымі. Ёсць інструменты, якія здольныя вучыцца, аналізаваць і выконваць руцінныя задачы. Але менавіта ў выпадку такіх нудных задач супрацоўнікі павінны разумець, якія тэхналогіі існуюць — машыннае навучанне, генератыўны ШІ ці іншыя — і ведаць, калі і як іх выкарыстоўваць. Практычны досвед у такіх сцэнарах, паводле слоў Цэнтоні, немагчыма пераацаніць.
«Ёсць базавыя паняцці, якія трэба разумець», — кажа яна, дадаючы, што шукае спецыялістаў, якія валодаюць сучаснымі інструментамі.
Пры гэтым яна адзначае, што, акрамя здольнасці пісаць код, важна крэатыўна мысліць, каб знаходзіць нестандартныя рашэнні і максімальна эфектыўна выкарыстоўваць тэхналогіі для вырашэння канкрэтнай праблемы кліента. Для творчага мыслення патрэбна нешта большае, чым проста адукацыя.
Рэлацыраваліся? Цяпер вы можаце каментаваць без верыфікацыі акаўнта.
почему учиться ходить все ещё актуально