У Германіі абваліліся цэны на электрычнасць — зашмат сонечных панэляў

Паводле даных SEB Research, на працягу дзесяці дзён у сярэдзіне мая цэны ў гадзіны вытворчасці зніжаліся на 87% у параўнанні з цёмным часам. У сярэднім яны складалі €9,1 за мегават-гадзіну замест звычайных €70,6.

 

 

 

Прычыну падзення цэн звязваюць з масавай устаноўкай сонечных панэляў летась, у выніку чаго прапанова сур’ёзна абганяе спажыванне. Так, пры канцы 2023 года сукупны аб’ём выпрацоўкі сонечнай электраэнергіі перавысіў 81,7 гігават, а попыт дасягнуў толькі 52,2 гігават. У летні перыяд, калі вытворчасць павялічваецца, а попыт памяншаецца, разбежка яшчэ большая.

Аднак гэта не азначае, што спажыўцы выйграюць ад нізкіх коштаў, паколькі звычайна больш расходуюць у цёмны час сутак.

Financial Times раней пісаў, што ў Германіі столькі танных сонечных панэляў, што жыхары ставяць з іх платы.

Кітай заваліў рынак таннымі сонечнымі панэлямі — еўрапейцы ставяць з іх платы

Па тэме

Кітай заваліў рынак таннымі сонечнымі панэлямі — еўрапейцы ставяць з іх платы