Галівудскія кампаніі актыўна ўкараняюць тэхналогіі штучнага інтэлекту ў кінавытворчасць. Нейрасеткі зніжаюць выдаткі і пашыраюць творчыя магчымасці аўтараў. Аднак буйныя студыі да гэтага часу ставяцца да новых тэхналогій з недаверам.
Галівудскія кампаніі актыўна ўкараняюць тэхналогіі штучнага інтэлекту ў кінавытворчасць. Нейрасеткі зніжаюць выдаткі і пашыраюць творчыя магчымасці аўтараў. Аднак буйныя студыі да гэтага часу ставяцца да новых тэхналогій з недаверам.
Прыклад выкарыстання генератыўных тэхналогій — кароткаметражны фільм Critterz. Стужка 2023 года была створана з дапамогай генератара відэа Sora ад OpenAI. Праект быў распрацаваны пры ўдзеле крэатыўнага дырэктара і кансультанта OpenAI Чада Нэльсана, а таксама студыі Native Foreign.
Кароткаметражка спалучае незвычайныя стылі: у традыцыйны дакументальны фільм пра прыроду, які нагадвае работы Дэвіда Атэнбара, «ўварваліся» створаныя ШІ істоты. Над сцэнарам поўнаметражнай версіі працуюць Джэймс Ламонт і Джон Фостэр, двое з трох сцэнарыстаў анімацыйнага дзіцячага фільма «Падынгтан у Перу».
Яшчэ адзін значны праект — музычны кліп «A Love Letter to Los Angeles». Музычны выканаўца Cuco, рэжысёр Пол Трыло і студыя Asteria Studios стварылі псіхадэлічны «ліст кахання» да Лос-Анджэлеса, дзе ШІ-анімацыя ператварае горад у эмацыйны ландшафт успамінаў і настальгіі.
Staircase Studios абвясціла пра запуск серыі нізкабюджэтных фільмаў, знятых з дапамогай ШІ. Іх дэбютны праект «Жанчына з рудымі валасамі» раскажа рэальную гісторыю Ёханы «Хані» Шафт, удзельніцы галандскага Супраціву падчас Другой сусветнай вайны.
ШІ ўжываецца і ў музычнай індустрыі. Хіп-хоп гурт Wu-Tang Clan прэзентаваў кароткаметражны фільм, створаны AI Studio Secret Level. Рэжысёр Джэйсан Зада разам з крэатыўным дырэктарам Wu-Tang Дэні Хастынгсам і DJ Mathematics выкарысталі генератар відэа Google Veo 2, каб узнавіць візуальны свет гурта.
Адной з ключавых падзей у індустрыі стане дэбют Остынскага ШІ-кінафестывалю (AAIFF), які пройдзе 14–15 сакавіка 2025 года. Гэта першы ў сваім родзе фестываль, прысвечаны фільмам, створаным з выкарыстаннем ШІ-інструментаў. Мерапрыемства аб’яднае незалежных рэжысёраў і вядучых спецыялістаў у сферы ШІ.
Аднак выкарыстанне ШІ у кінематографе падабаецца не ўсім. Пасля забастовак Гільдыі сцэнарыстаў ЗША (WGA) і Гільдыі акцёраў (SAG-AFTRA) ў 2023 годзе ў Галівудзе з’явіліся новыя правілы выкарыстання ШІ. Студыям цяпер забаронена выкарыстоўваць ШІ для напісання сцэнараў без згоды аўтараў, а лічбавыя копіі акцёраў не могуць стварацца без іх дазволу і дадатковай аплаты. Таксама масоўка атрымала абарону ад сканавання іх твараў і наступнага несанкцыянаванага выкарыстання ў фільмах.
Буйныя студыі і творчыя аб’яднанні пачалі падаваць судовыя позвы супраць кампаній, якія распрацоўваюць генератыўны ШІ, такіх як OpenAI і Stability AI. Асноўныя прэтэнзіі звязаны з незаконным выкарыстаннем кантэнту для навучання алгарытмаў. Кінематаграфісты патрабуюць, каб ШІ-мадэлі не навучаліся на сцэнарах, кнігах і фільмах без ліцэнзавання. Некаторыя студыі, уключаючы Warner Bros. і Disney, ужо пачалі ўкараняць унутраныя палітыкі кантролю за выкарыстаннем ШІ.
Рэлацыраваліся? Цяпер вы можаце каментаваць без верыфікацыі акаўнта.