Аддзел навін 25 студзеня 2023, 11:17

У Індыі распрацавалі сваю аперацыйную сістэму для смартфонаў

Урад Індыі ў аўторак пратэсціраваў мабільную аперацыйную сістэму хатняй распрацоўкі, піша Reuters. Яна называецца BharOS і закліканая пацясніць на рынку Google.

1 каментарый

У Індыі распрацавалі сваю аперацыйную сістэму для смартфонаў

Урад Індыі ў аўторак пратэсціраваў мабільную аперацыйную сістэму хатняй распрацоўкі, піша Reuters. Яна называецца BharOS і закліканая пацясніць на рынку Google.

Некалькі дзён таму амерыканскі тэхнагігант прайграў антыманапольную справу ў Вярхоўным судзе краіны. Яму прыйдзецца змяніць мадэль распаўсюджвання Android.

«Нам трэба будзе яшчэ нямала працы, але калі гэта здарыцца, манапольная ўлада больш не будзе нікому належаць», — заявіў міністр па развіцці навыкаў і прадпрымальніцтва Індыі Дхармендра Прадхан на мерапрыемстве ў сталічным Нью-Дэлі, прысвечаным BharOS, не згадваючы канкрэтных кампаній.

Самастойнасць Індыі ва ўсім прасоўвае прэм’ер-міністр краіны Нарэндра Модзі. Ён выступае за развіццё ўсяго мясцовага — ад вытворчасці да стартапаў. Мабільная аперацыйная сістэма распрацоўваецца адным са стартапаў у Індыйскім інстытуце тэхналогій.

Індыя з’яўляецца другім па велічыні рынкам смартфонаў у свеце. Паводле ацэнак Counterpoint Research, прыкладна 97% з 600 млн гаджатаў тут працуюць пад кіраваннем Android.

Мясцовая Камісія па канкурэнцыі лічыць, што Google злоўжывае дамінантным становішчам на рынку, і запатрабавала змяніць механізм яе працы. У прыватнасці, ад Google запатрабавалі ліквідаваць абмежаванні для вытворцаў смартфонаў, напрыклад, звязаныя з перадусталёўкай праграм. Кампанія адмаўляе абвінавачванні.