Нядаўна жыхары Нью-Ёрка абураліся тым, што Джэф Безас, абсталёўваючы сваё жытло, перашкаджае жыць астатнім. За пару гадоў да гэтага нідэрландцы адстаялі гістарычны мост, які хацелі разабраць дзеля яхты мільярдэра. Цяпер абураюцца італьянцы Венецыі — аднаго з самых рамантычных гарадоў свету, дзе Безас плануе згуляць вяселле з амерыканскай актрысай, журналісткай і пілотам Лорэн Санчэс.
Нядаўна жыхары Нью-Ёрка абураліся тым, што Джэф Безас, абсталёўваючы сваё жытло, перашкаджае жыць астатнім. За пару гадоў да гэтага нідэрландцы адстаялі гістарычны мост, які хацелі разабраць дзеля яхты мільярдэра. Цяпер абураюцца італьянцы Венецыі — аднаго з самых рамантычных гарадоў свету, дзе Безас плануе згуляць вяселле з амерыканскай актрысай, журналісткай і пілотам Лорэн Санчэс.
Мерапрыемства павінна адбыцца ў апошнім тыдні чэрвеня. Запрошана каля 200 гасцей, уключаючы знакамітасцей, прадстаўнікоў айцішных колаў і мільярдэраў — Кэці Пэры, Кім Кардаш’ян, Біла Гейтса і іншых.
#Venice locals are staging protests against Jeff #Bezos ahead of his wedding to Lauren Sánchez, with a group called «No Space For Bezos» protesting what they fear will be an extravagant display of the billionaire’s wealth.#Forbes
— Forbes Middle East (@Forbes_MENA_) June 13, 2025
For more details: 🔗 https://t.co/GQWK3KEp5v pic.twitter.com/Yr4qHEFpLt
Група венецыянскіх актывістаў на мінулым тыдні правяла пратэсты з гэтай нагоды. Яны лічаць, што пышныя святкаванні парушаць спакой мясцовых жыхароў, ды яшчэ і падальюць масла ў агонь авертурызму, ад якога і так пакутуе горад. Пратэстоўцы сабраліся на галоўнай плошчы і ўздоўж моста Рыяльта з плакатамі «Не Безасу» і «Для Безаса няма месца» (No space for Bezos) з выявай ракеты — намёк на яго касмічную кампанію Blue Origin («space» у англійскай мае значэнні «прастора» і «космас»). Дарэчы, у 2021 годзе антыфанаты прадпрымальніка запускалі жартоўныя петыцыі за тое, каб забараніць яму вяртацца на Зямлю пасля палёту.
'No space for Bezos': Venice locals protest billionaire Jeff Bezos as 'outrageous' Italian wedding looms
byu/Similar_Diver9558 ineurope
Улады Венецыі пацвердзілі, што Безас плануе тут вяселле. Арганізатары пратэстаў хочуць, каб яго адмянілі. І каб сюды ў цэлым прыязджала паменш турыстаў, бо жыццё ў горадзе моцна даражэе. Таксама актывісты намераны блакаваць будынак, дзе, па іх інфармацыі, можа адбыцца мерапрыемства. Яны збіраюцца перакрыць вуліцы сабой, а каналы — чоўнамі. І праводзіць яшчэ больш дэманстрацый.
Улады між тым лічаць, што вялікіх перашкод Безас не створыць, і што горад цалкам справіцца з патокам гасцей — маўляў, іх не больш, чым на іншых падзеях, якія праводзяць тут круглы год. Таксама паведамляецца, што на 80% вяселле мільярдэра будуць забяспечваць мясцовыя вендары.
Як адзначае Business Insider, горад ужо шмат гадоў прымае меры, каб абмежаваць наплыў турыстаў. Некалькі гадоў таму быў зменшаны дапушчальны памер круізных суднаў, а ў мінулым годзе быў уведзены збор на наведванне горада ў самы сезон.
Рэлацыраваліся? Цяпер вы можаце каментаваць без верыфікацыі акаўнта.