Карыстальнікі форума Hacker News паведамілі пра публікацыю зыходных кодаў сэрвісаў «Яндэкса». У архівах утрымліваюцца тэчкі з назвамі classfields, market, taxi, portal, alice, delivery, disk, drive, yandex360 ды іншыя. Агульная колькасць архіваў — 83, у сціснутым выглядзе яны важаць больш за 44,7 Гб.
Карыстальнікі форума Hacker News паведамілі пра публікацыю зыходных кодаў сэрвісаў «Яндэкса». У архівах утрымліваюцца тэчкі з назвамі classfields, market, taxi, portal, alice, delivery, disk, drive, yandex360 ды іншыя. Агульная колькасць архіваў — 83, у сціснутым выглядзе яны важаць больш за 44,7 Гб.
Выданню vc.ru у «Яндэксе» заявілі, што ўзлому не было. Паводле даных кампаніі, служба бяспекі выявіла ў адкрытым доступе фрагменты кода з унутранага рэпазіторыя, але іх змест адрозніваецца ад бягучай версіі рэпазіторыя ў сэрвісах «Яндэкса».
«Рэпазіторыі патрэбныя для працы з кодам і не прызначаныя для захоўвання персанальных даных карыстальнікаў. Мы праводзім унутранае расследаванне наконт прычын трапляння фрагментаў зыходнага кода ў адкрыты доступ, але не бачым будзь-якой пагрозы для даных нашых карыстальнікаў або працаздольнасці платформы», — пракаментавалі ў «Яндэксе».
Паводле слоў блізкай да «Яндэкса» крыніцы партала, да публікацыі кода датычны адзін з супрацоўнікаў кампаніі.
У сакавіку 2022 года «Яндэкс Ежа» паведаміла пра ўцечку тэлефонаў і інфармацыі пра замовы кліентаў, якая адбылася з віны супрацоўніка. Праз некалькі тыдняў у сеціве апублікавалі карту з данымі кліентаў, пасля сайт заблакавалі, а «Яндэкс Ежа» дадала функцыю выдалення даных пра заказы.
Рэлацыраваліся? Цяпер вы можаце каментаваць без верыфікацыі акаўнта.
в бостоне такого нет