Николай Чикишев 29 снежня 2022, 13:40

У Расіі плануюць прымусова ліцэнзаваць замежны софт

Ведамства прапаноўвае прымусова ліцэнзаваць замежны софт, а грошы за яго выкарыстанне пералічваць на спецрахунак, дзе яны будуць захоўвацца «да запатрабавання» праваўладальнікам.

Пакінуць каментарый

У Расіі плануюць прымусова ліцэнзаваць замежны софт

Ведамства прапаноўвае прымусова ліцэнзаваць замежны софт, а грошы за яго выкарыстанне пералічваць на спецрахунак, дзе яны будуць захоўвацца «да запатрабавання» праваўладальнікам.

Паводле даных «Камерсанта», мяркуецца, што законапраект будзе тычыцца праваўладальнікаў, у дачыненні да якіх немагчымае выкананне добрасумленнымі расійскімі карыстальнікамі дзейных дамоўных забавязанняў. Паводле слоў крыніцы выдання, Мінлічбы разам з удзельнікамі IT-галіны абмяркоўваюць правілы, якія «дэкрыміналізуюць» нелегальнае выкарыстанне замежнага софту, а таксама механізм прымусовага ліцэнзавання.

Раней кіраўнік ведамства Максут Шадаеў прапанаваў дазволіць выкарыстоўваць замежны софт з «пэўнымі парушэннямі» ліцэнзійнай палітыкі. «Бізнэс не вінаваты, што распрацоўшчык сышоў з краіны і няможна падоўжыць ліцэнзіі. Мы маем стварыць асобны механізм для добрасумленных карыстальнікаў», — заявіў ён. Ад 31 сакавіка дзяржзаказчыкам забаранілі закупляць замежны софт для выкарыстання на аб’ектах крытычнай інфармацыйнай інфраструктуры без згоды ўрада.