У Расіі палічылі страты міжнародных ІТ-кампаній ад сыходу з краіны
Паводле даных Мінлічбы Расіі, страты замежных ІТ-кампаній, што пакінулі рынак, склалі каля 650-700 млрд RUB ($9,2-9,9 млрд). Пра гэта ўчора паведаміў кіраўнік ведамства Максут Шадаеў.
«Паводле нашых ацэнак, страты міжнародных ІТ-кампаній, якія спынілі сваю дзейнасць на тэрыторыі краіны, толькі ў 2022 годзе склалі 650-700 млрд [расійскіх] рублёў», — сказаў міністр падчас урадавай гадзіны ў Дзярждуме.
Шадаеў падкрэсліў, што рашэнне сысці і страціць выручку гэтыя кампаніі прынялі самі. Ён запэўніў, што Расія будзе працаваць з тымі краінамі, якія гатовыя да супрацоўніцтва.
«Такіх краін дастаткова багата. Мы цяпер бачым вялікі запыт з краін Лацінскай Амерыкі, Блізкага Усходу, Азіі на расійскія тэхналогіі, на сумесныя праекты», — адзначыў ён. І дадаў, што пра ізаляцыю гаворка не вядзецца, а Расія знойдзе магчымасці для кааперацыі на аснове сумленнага партнёрства.
Читать на dev.by