У Расіі рэкордна запаволіўся рост заробкаў праграмістаў

Пры канцы кастрычніка адносна студзеня 2023 года заробкі айцішнікаў у Расіі сталі вышэйшымі больш як на 6%. Калі разглядаць рост год да года, то ён складае 8,5%. Але яшчэ два гады таму лічба расла амаль у 3 разы хутчэй.

8,5% — найгоршы паказчык росту заробкаў расійскіх айцішнікаў за апошнія два гады. І гэта пры тым, што ў 2022 годзе яны масава пакідалі краіну, пагоршыўшы і без таго сур’ёзны дэфіцыт ІТ-кадраў, а пасля пачатку вайны ва Украіне з расійскага рынку сышлі замежныя распрацоўшчыкі софту і «жалеза», справакаваўшы вострую неабходнасць у імпартазамяшчэнні.

У 2022 годзе, паводле звестак SuperJob, па вынікаў усяго года заробкі ІТ-спецыялістаў выраслі на 19,1%, а ў 2021-м рост склаў 26,3% у параўнанні з кавідным 2020-м. Прычыны, чаму зніжаецца тэмп паляпшэння якасці жыцця расійскіх айцішнікаў, там не ўдакладняюць.

Палова расійскіх айцішнікаў не змагла атрымаць працу ў міжнародных кампаніях

Па тэме

Палова расійскіх айцішнікаў не змагла атрымаць працу ў міжнародных кампаніях

У лістападзе CNews пісаў, што ў многіх найбуйнейшых гарадах Расіі ІТ-спецыялісты па памеры заробкаў сталі саступаць прадстаўнікам іншых прафесій. Іх сталі даганяць менеджары па продажах, зваршчыкі, кіроўцы аўтамабіляў і многія іншыя. Таксама ў краіне намецілася праблема з нізкім заробкам расійскіх студэнтаў у ІТ. Ім плацяць у сярэднім 47 тысяч RUB ($530), але яны цалкам могуць зарабляць у сярэднім 67 тысяч RUB, калі пойдуць з ІТ і пачнуць працаваць кур’ерамі.

Эксперты не здзіўленыя запаволеннем росту заробкаў ІТ-спецыялістаў — у прыватнасці таму, што мясцовы рынак ізаляваны ад Захаду, а большасць расійскіх айцішнікаў не можа ўладкавацца ў заходнія кампаніі. «Агульная ёмістасць рынку знізілася, і расійскія кампаніі лічаць за лепшае размяркоўваць абмежаваныя рэсурсы на стратэгічныя праекты, развіццё новых кадраў. Пры гэтым заробкавая канкурэнцыя з заходнімі кампаніямі ў мінулым, таму расійскаму бізнэсу не трэба гнацца за высокім узроўнем доларавых заробкаў», — кажа адзін з суразмоўцаў SuperJob.

Акрамя таго, трэнд можа быць звязаны з падзеннем якасці ІТ-спецыялістаў. У расійскай ІТ-сферы ёсць дзве кадравыя праблемы — агульны дэфіцыт работнікаў і мноства нізкапробных работнікаў, якія не спяшаюцца развівацца ў сваёй сферы. Яны ведаюць, што праз кадравы голад іх у любым выпадку возьмуць на працу.

В России заявили о «жутком дефиците» айтишников

По теме

В России заявили о «жутком дефиците» айтишников

У российских айтишников подскочили зарплаты в этом году

По теме

У российских айтишников подскочили зарплаты в этом году