У сеціве знайшлі паролі і тэлефоны амерыканскага міністра абароны, саветніка па нацбяспецы, кіраўніка нацразведкі

Указаныя дадзеныя журналісты атрымалі з дапамогай камерцыйных інструментаў для пошуку інфармацыі пра людзей і з базаў узламаных дадзеных, якія былі зліты ў інтэрнэт. Чыноўнікі, чые дадзеныя былі атрыманы ў выніку расследавання, — гэта міністр абароны ЗША Піт Хегсет, кіраўнік нацразведкі Талсі Хабард і саветнік па нацбяспецы Майкл Уолц.

Многія з гэтых дадзеных актуальныя. Некаторыя прывязаныя да профіляў у LinkedIn і Instagram, некаторыя выкарыстоўваліся для рэгістрацыі ў Dropbox і фітнес-трэкерах. Некаторыя тэлефоны прывязаная да акаўнтаў у WhatsApp і Signal.

Яшчэ адна трывожная дэталь — гэта таймінг знаходкі: некалькі дзён таму згаданыя чыноўнікі апынуліся ў цэнтры скандалу з-за іншага праліку ў бяспецы. У сакрэтны чат у Signal, дзе абмяркоўваліся ваенныя планы, выпадкова дабавілі і нават не заўважылі чужога чалавека — журналіста The Atlantic, які апублікаваў скрыншоты перапіскі. Ёсць верагоднасць, што чыноўнікі сядзелі ў тым чаце з акаўнтаў, зарэгістраваных на публічна даступныя нумары. Па меншай меры атрыманыя журналістамі Der Spiegel асабістыя тэлефонныя нумары Хабарда і Уолца сапраўды прывязаная да акаўнтаў у Signal.

Самай лёгкай здабычай аказаліся дадзеныя Хегсета. Журналісты скарысталіся рухавіком, які звычайна выкарыстоўваецца ў продажах і рэкрутынгу. Па спасылцы на профіль у LinkedIn яны атрымалі яго электронную пошту Gmail, мабільны нумар і іншую інфармацыю. Емейл пацвердзілі па іншых скрадзеных базах карыстальніцкіх дадзеных — ён фігураваў у 20, часам разам з паролем. Судзячы па адкрытых дадзеных, у апошнія дні гэты емейл актыўна выкарыстоўваецца.

Заснавальнік Signal патроліў фэйл з дыялогам, у якім амерыканскія чыноўнікі абмяркоўвалі ваенныя планы

Па тэме

Заснавальнік Signal патроліў фэйл з дыялогам, у якім амерыканскія чыноўнікі абмяркоўвалі ваенныя планы