Аддзел навін 12 чэрвеня 2023, 17:33

У ЗША востра не стае спецыялістаў у кібербяспецы

У амерыканскіх кампаніях захоўваецца дэфіцыт ІБ-спецыялістаў, піша Dice.

Паводле даных CyberSeek — гэта сумесная ініцыятыва Нацыянальнага інстытута стандартаў і тэхналогій ЗША, кампаніі Lightcast і ІТ-асацыяцыі CompTIA, — за мінулыя 12 месяцаў мясцовыя працадаўцы апублікавалі 663 434 аб’явы наконт працы. Тым не менш суадносіны суіскальнікаў да колькасці вакансій складае 69 да 100.

У Enterprise Strategy Group палічылі, што недахоп спецыялістаў у бяспецы адчуваюць 47% арганізацый. А на глабальным узроўні дэфіцыт такіх кадраў ацэньваецца ў 3,4 млн чалавек.

Цяперашнім часам, згодна з CyberSeek, у сферы кібербяспекі ў ЗША занятыя 1,1 млн спецыялістаў. У Lightcast адзначаюць, што нягледзячы на эканамічную нявызначанасць іх запатрабаванасць працягнула расці. Кампаніі ва ўсіх галінах разумеюць важнасць такіх супрацоўнікаў, а іх найманне — адная з найскладанейшых задач для рэкруцёраў.

Вырашыць пытанне кампаніі спрабуюць перанавучаннем наяўных супрацоўнікаў пад асобныя ІБ-задачы. Таксама эксперты заклікаюць пашыраць адукацыйныя магчымасці для людзей, якія жадаюць асвоіць прафесію кібербяспекі.