Адміністрацыя Джо Байдэна назвала 31 лакацыю, якая зможа прэтэндаваць на субсідыі з федэрльнага бюджэту для ператварэння ў рэгіянальныя тэхналагічныя цэнтры. Яны былі абраныя з 370 прэтэндэнтаў, паведамляе Reuters.
Адміністрацыя Джо Байдэна назвала 31 лакацыю, якая зможа прэтэндаваць на субсідыі з федэрльнага бюджэту для ператварэння ў рэгіянальныя тэхналагічныя цэнтры. Яны былі абраныя з 370 прэтэндэнтаў, паведамляе Reuters.
Мэта ініцыятывы — спрыяць развіццю інавацый у перспектыўных кірунках ад вытворчасці акумулятараў для электракараў і паўправаднікоў да чыстай энергетыкі, а таксама прытоку прыватных інвестыцый. Акрамя гэтага, улады хочуць падцяпліць развіццё тэхналогій па-за межамі традыцыйных тэхнахабаў, такіх як Крэмніевая даліна або Бостан.
«Гэтыя тэхналагічныя экасістэмы сканцэнтраваныя ўсяго ў некалькіх пунктах краіны. Яны не адлюстроўваюць усяго яе патэнцыялу», — адзначыла міністарка гандлю ЗША Джына Раймонда.
Адабраныя тэхнапаркі знаходзяцца ў Мэрылэндзе, Алабаме, Вашынгтоне, Вісконсіне, Аклахоме, на Алясцы і ў іншых штатах. Яны факусуюцца на шырокім коле тэхналагічных галін, уключаючы квантавыя вылічэнні, штучны інтэлект, біятэхналогіі, персаналізаваную медыцыну, сістэмы аўтаномнага кіравання і іншыя. Раймонда дадала, што людзі не маюць быць вымушаныя рэлакавацца, каб атрымаць добрую працу, і што многія з выбраных хабаў — гэта маленькія гарады.
Налета адміністрацыя плануе ахапіць субсідыямі 5-10 лакацый з 31, кожнай з якіх будзе выдзелена да $75 млн. Агульны аб’ём сродкаў на рэгіянальныя інавацыі складзе $500 млн. Праграма была ўхваленая ў 2022 годзе ў рамках Закона аб чыпах (Chips and Science Act). Сёлета Джо Байдэн запытаў у Кангрэса яшчэ $4 млрд на дадатковае фінансаванне рэгіянальных тэхнапаркаў.
Рэлацыраваліся? Цяпер вы можаце каментаваць без верыфікацыі акаўнта.