Аддзел навін 9 жніўня 2023, 16:24

У топ-20 спіса TIOBE ўварваўся канкурэнт Python

У жніўні ў рэйтынг самых папулярных моў праграмавання па версіі TIOBE ўпершыню ўвайшла мова Julia.

Гэта даволі маладая мова, яна з’явілася 13 гадоў таму. Яна пераважна выкарыстоўваецца ў сферы data science і матэматычных вылічэнняў. У топавай дваццатцы яна мае некалькі канкурэнтаў: Python, R і Matlab. Тым не менш лічыцца, што Julia хутчэйшая за Python, лепш пасуе для напісання буйных сістэм, ніж R, і таннейшая за Matlab. Хуткасць, маштабаванасць, а таксама тое, што гэта праект з адкрытым зыходным кодам, забяспечылі яму рост папулярнасці і месца ў спісе. З іншага боку, Julia патрабуе больш навыкаў праграмавання, ніж тры іншыя мовы.

Python між тым утрымлівае першы радок, хоць яго доля на рынку некалькі знізілася ў параўнанні з ліпенем. Мова асэмблера за месяц паднялася з 14 на 9 месца, COBOL — з 20-га на 15-е. Delphi/Object Pascal апусцілася з 15 на 23 радок. Поўны жнівеньскі топ-20 прыведзены ніжэй.