Больш ніякіх «admin» і «12345»: падобныя паролі цяпер па-за законам у Вялікабрытаніі. Паводле новых правілаў, усе смарт-гаджаты ў краіне павінны адпавядаць мінімальным стандартам бяспекі, піша The Guardian.
Больш ніякіх «admin» і «12345»: падобныя паролі цяпер па-за законам у Вялікабрытаніі. Паводле новых правілаў, усе смарт-гаджаты ў краіне павінны адпавядаць мінімальным стандартам бяспекі, піша The Guardian.
Мера закліканая абараніць спажыўцоў ад кібератак і ўзломаў. Паводле мясцовага міністэрства навукі, інавацый і тэхналогій, яна ўступіла ў сілу ў панядзелак.
Вытворцы смартфонаў, тэлевізараў і «разумных» званкоў цяпер абавязаныя забяспечыць абарону прылад з выхадам у інтэрнэт ад зламыснікаў, у прыватнасці, прымушаючы карыстальнікаў усталёўваць надзейныя паролі.
Акрамя гэтага, яны павінны публікаваць кантактныя даныя для адпраўкі ім справаздач пра багі і збоі, а таксама выразна інфармаваць пра тэрміны выпуску абнаўленняў бяспекі.
Чакаецца, што дзякуючы новаму закону спажыўцы змогуць быць упэўненыя ў пакупаных і выкарыстоўваных дэвайсах на фоне росту колькасці кібератак.
Рэлацыраваліся? Цяпер вы можаце каментаваць без верыфікацыі акаўнта.