Стартапам не варта спяшацца з наймам — новыя супрацоўнікі патрэбныя толькі тады, калі каманда ўжо працуе на знос. Такую параду даў партнёр Y Combinator Густаф Альстрэмер у падкасце Office Hours.
Стартапам не варта спяшацца з наймам — новыя супрацоўнікі патрэбныя толькі тады, калі каманда ўжо працуе на знос. Такую параду даў партнёр Y Combinator Густаф Альстрэмер у падкасце Office Hours.
«Правільны час для найму — тады, калі вы настолькі загружаныя, што ў календары няма ні хвіліны для інтэрв’ю з кандыдатам», — сказаў ён. Гэта значыць у той момант, калі кампанія «на мяжы», і фаўндарам прыходзіцца моцна працаваць звышурочна, каб усё не развалілася.
Альстрэмер, які некалькі гадоў працаваў продакт-лідом у Airbnb, адзначыў, што найм займае каля трох месяцаў, таму важна ўмець заўважаць першыя званочкі.
«Ранняя прыкмета таго, што пара наймаць — калі ў кампаніі ўжо нешта „ламаецца“ або вось-вось зломіцца. Гэта можа быць распрацоўка, продажы або анбордынг. Галоўнае — шчыра адказаць сабе, ці сапраўды гэта сігнал, або проста вашае жаданне бачыць яго такім», — патлумачыў ён.
На думку Альстрэмера, рост штату часта памылкова ўспрымаюць як паказчык росту стартапа. «Гэта небяспечная пастка — лічыць найм крытэрыем поспеху. На самай справе гэта проста спосаб не патануць і не даць кампаніі развальвацца», — падкрэсліў ён.
У Y Combinator усё часцей чуюць ад заснавальнікаў, што яны хочуць пабудаваць кампанію на мільярд даляраў з дзесяццю людзьмі — рабіць больш меншымі рэсурсамі цяпер імкнуцца не толькі бігтэхі. Таго ж чакаюць ад іх інвестары.
Кампаніі актыўна ўкараняюць ШІ-агентаў, здольных браць на сябе падтрымку кліентаў, браніраванне і рутыну. З’явіліся інструменты для вайб-кодынгу, якія паскараюць працу распрацоўшчыкаў і зніжаюць патрэбу ў кадрах. Intel, Meta і Amazon скарачаюць узроўні менеджменту і робяць каманды больш кампактнымі, каб паменшыць бюракратыю.
Сярод ШІ-стартапаў гэты трэнд таксама прыкметны: Business Insider раней пісаў, што мінімум у 12 стартапаў-адзінарогаў у сферы ШІ у камандзе не больш за 50 чалавек. Сярод іх — праект сузаснавальніка OpenAI Іллі Суцкевера Safe Superintelligence і Magic, якога падтрымаў экс-кіраўнік Google Эрык Шмідт і фонд Sequoia Capital.
Релоцировались? Теперь вы можете комментировать без верификации аккаунта.