Інстытут інжынераў электратэхнікі і электронікі (IEEE) абнавіў рэйтынг папулярных моў праграмавання. Аўтары адзначаюць, што на фоне распаўсюджвання ШІ не толькі становіцца складаней гэта зрабіць, але і сама канцэпцыя сябе знішчае.
Інстытут інжынераў электратэхнікі і электронікі (IEEE) абнавіў рэйтынг папулярных моў праграмавання. Аўтары адзначаюць, што на фоне распаўсюджвання ШІ не толькі становіцца складаней гэта зрабіць, але і сама канцэпцыя сябе знішчае.
У агульным заліку ў лідарах па-ранейшаму Python, з буйных змяненняў у топе — толькі падзенне JavaScript (які шырока выкарыстоўваецца ў распрацоўцы вэб-сайтаў, якія ўсё часцей проста вайбкодзяцца) з 3 месца на 6-е. У катэгорыі Jobs, якая паказвае запатрабаванасць моў у працадаўцаў, Python выйшаў на 1 месца, пацясніўшы SQL.
IEEE складае свой рэйтынг папулярнасці моў на аснове цікавасці да іх, выражанай у публічнай прасторы — гэта пошукавы трафік Google, колькасць пытанняў на Stack Exchange, згадванні ў даследаваннях, актыўнасць на GitHub і розныя іншыя крыніцы.
Праблема ў тым, што праграмісты ўсё радзей ідуць з пытаннямі ў сетку і аддаюць перавагу пытацца ў чат-ботаў накшталт Claude і ChatGPT, а з асістэнтамі кшталту Cursor пытанняў узнікае менш. Напрыклад, колькасць пытанняў, публікаваных на Stack Exchange у тыдзень у 2025 годзе, складае толькі 22% ад 2024 года (гэта значыць падзенне амаль на 80%).
Гэта экзістэнцыяльная праблема для рэйтынгаў папулярнасці МП. Вырашыць яе можна пошукам новых метрык або прамым апытаннем кодараў. Але на гарызонце маячыць яшчэ больш сур’ёзная праблема: ці то прафесійны айцішнік з асістэнтам для кодынгу, ці гуманітарый-вайбкодар, магчымасць нават часткова перакласці напісанне кода на ШІ азначае, што людзям трэба ўсё менш паглыбляцца ў вывучэнне той ці іншай мовы і ў цэлым становіцца ўсё менш важна, якая мова выкарыстоўваецца. Да таго ж ШІ ужо бярэ на сябе не толькі гэтую частку распрацоўкі.
Як адзначаюць IEEE, у свеце існуе шмат розных МП таму, што кожная з іх лепш падыходзіць для вырашэння пэўнай задачы — ад робататэхнікі да статыстычнага аналізу, — чым іншая. Мадэль выдасць вам код на любой універсальнай мове, якую вы пазначыце ў промпце, для той задачы, якую вы яму зададзіце (галоўнае, каб для яе навучання было дастаткова трэніровачных дадзеных). Рэйтынгі папулярнасці проста страцяць сэнс.
Як вынік, будзе ўскладнена з’яўленне і распаўсюджванне новых моў. Кодавая база, гэта значыць аб’ём навучальнага матэрыялу, па іх будзе значна меншым, і кодзіць на іх ШІ будзе горш. А суадносіны папулярных МП могуць застыць у сённяшнім выглядзе.
Пытанне ў тым, ці выйдзе топ самых папулярных моў у 2026 годзе. Сёння праграмаванне перажывае найбуйнейшую трансфармацыю з часоў з’яўлення кампілятараў у 1950-х. У IEEE адзначаюць, што любая разарваная тэхналагічная бурбалка пакідае пасля сябе фундаментальную тэхналогію. Нават калі прагнозы наконт ШІ-бурбалкі спраўдзяцца, мадэлі для напісання кода працягнуць існаваць. У бліжэйшы год будзе адбывацца пераасэнсаванне паняцця папулярнасці моў і пошук актуальных спосабаў яе вымераць.
Релоцировались? Теперь вы можете комментировать без верификации аккаунта.